Baflo (Grinslânsk: Bavvelt) is in doarp yn de gemeente It Hegelân yn de provinsje Grinslân. Oant 1990 wie Baflo it haadplak fan de gemeente Baflo. It doarp hat mei it dûbeldoarp Rasquert goed 1800 ynwenners.

De âlde tsjerke fan Baflo mei frijsteande toer
Stânbyld fan Rudolf Agricola (1982)
Ein beboude kom Baflo

It wapen fan Baflo is ôflaat fan it wapen fan Rudolf Agricola, de bekende humanist dy't yn Baflo berne is. It doarp is boud op en om de wierde dy't om likernôch 600 foar Kristus oanlein is. Op de wierde fan Baflo stiet de romaanske St. Laurentiustsjerke út de 12e iuw. De tsjerke hat in frijsteande toer út de 13e iuw. By it doarp leit in stasjon oan it spoar Grins - Roodeschool.

Trivia bewurkje seksje

  • Baflo is it startplak fan de Noarder Omreizen, ek wol de "Groningse Elfstedentocht" neamd. It doarp leit dan ek oan it Rasquerdermaar en it Kanaal Baflo-Mensingeweer. Fan it Bafloërmaar, eartiids de ferbining mei Winsum, is net mear as in brede sleat oer.
  • Baflo hat de âldste jeugdsoos fan Noard-Nederlân: Jeugdsoas Eagle.
  • De Stifting Histoaryske Rûnte yn Baflo hat in DVD útjûn mei âlde bylden fan it doarp út 1968 en 1950.
  • Baflo is it dekôr fan in part fan Maarten 't Harts roman Verlovingstijd.

Berne yn Baflo bewurkje seksje

Eardere gemeente bewurkje seksje

De gemeente Baflo hat bestien fan 1811 oant 1990. Neist Baflo bestie de gemeente út de neikommende doarpen, buorskippen en bûtenbuorren: Abbeweer, De Dingen, De Andel, Hammeland, Hiddingesyl, Lutje Marne, Lutje Saaksum, Rasquert, Saaksumhûzen en Tinallinge.

Literatuur bewurkje seksje

  • Dijkstra, B. & J.F. Oldenhuis (1986), Tijdelijk volk rond het eeuwige Woord : 150 jaar Gereformeerde Kerk Baflo. Grins: Noorderbroek. 120 s.
  • Heijs, H.A., K. Oosterhof, A. Tillema-van Dijk & J.F. Oldenhuis (1990), Met wijsheid en geduld : 100 jaar chr. onderwijs in Baflo. Scheemda: Meinders. 112 s.
  • Klont, A. (2002), Overwinning van oude denkpatronen? : het ontstaan van de afscheiding in Adorp en Baflo. Beetstersweach: A. Klont. Doktoraalskripsje Ryksuniversiteit Grins. 77 s.
  • Koopstra, C.G. & K.L.B. Bosma (2002), Archeologisch onderzoek op de wierde van Baflo, provincie Groningen. Groningen: Archaeological Research & Consultancy. 79 p.
  • Thedinga, H.B. (1989), Baflo, van verleden tot heden. Baflo: Gemeente Baflo. 20 s.
  • Thedinga, H.B. (1991), Baflo in oude ansichten. Zaltbommel: Europese Bibliotheek. 76 s.