Jutryp
Jutryp (offisjeel Nederlânsk: Jutrijp) is in doarp yn de gemeente Súdwest-Fryslân, súd fan Snits oan de N354. It doarp hat likernôch 326 ynwenners (2006). Oant 2011 lei Jutryp yn de eardere gemeente Wymbritseradiel.
Jutryp leit in pear kilometer besuden Snits. It foarmet in twillingdoarp mei De Hommerts, tegearre ha de doarpen sawat 1000 ynwenners. De twa doarpen bestean foar it grutste part út lintbebouwing oan de provinsjale wei fan Snits nei De Lemmer. Dizze âlde strjitwei is yn 1843 oanlein.
De planning is om de beide doarpen sa stadichoan ien buorren krije te litten mei mienskiplike foarsjennings as doarpshûs, skoalle, sportfjilden en iisbaan. Yn 1999 binne de earste huzen setten oan it útwreidingsplan oan de Louwewei boud. Dy huzen steane ek yn ferbining mei iepen wetter. Troch de Jeltesleat is der oer wetter goede ferbining mei de Súdwesthoeke en midden Fryslân. Tichtby it doarp lizze de Wite Brekken en Swarte Brekken de romte oan toeristen.
Ferskaat bewurkje seksje
- De herfoarme tsjerke mei in klok út 1624 en in âld doopfont is yn de tachtiger jierren opknapt.
- Foar de natoerleafhawwers hat Steatsboskbehear yn 1992 in fûgelútsjoch hutte boud.
Mienskip bewurkje seksje
Doarpshûs Us Gebou stiet yn De Hommerts.
Ferienings bewurkje seksje
- Fuotbalferiening HJSC
- Shell - gymnastyk
- keatsferiening De Hommerts/Jutryp
Befolking bewurkje seksje
Iepenbier ferfier bewurkje seksje
- Line 42: Snits – Jutryp – De Hommerts – Wâldsein – Tsjerkgaast – Spannenburch – Follegea – Jistergea – De Lemmer.
Strjitten bewurkje seksje
Binnenpaed, Grevinnewei, Iewei, Krimwei, Louwewei, Riperwei, Sinnewar, Wite Jofferswei
Literatuer bewurkje seksje
- W.P.Vellinga - By de Far lâns (1983)
- W.P.Vellinga - De Geschiedenis van Smallebrugge tot ca. 1800 (1985)
Sjoch ek bewurkje seksje
| Boarnen, noaten en/as referinsjes: |
