Keatsferiening De Helfrichs
Keatsferiening De Helfrichs (Nederlânsk en offisjeel: Kaatsvereniging De Helfrichs) is Fryske keatsklub út it doarp Kimswert, yn it noarden fan it eardere Wûnseradiel. De feriening waard oprjochte yn 1897 en fierde sadwaande yn 1997 syn hûndertjierrich bestean.
| Keatsferiening De Helfrichs Kaatsvereniging De Helfrichs | ||
| algemiene ynformaasje | ||
| nasjonaliteit |  Nederlânsk
| |
| type org. | feriening | |
| wurkmêd | keatsen | |
| fêstige yn | Kimswert (Fryslân) | |
| oprjochte | 1897 | |
| offisjele webside | ||
| K.F. De Helfrichs op Facebook | ||
Keatst waard der yn Kimswert oant yn 'e 1980-er jierren op 'e finne, in stik greidlân oan 'e strjitte de Streek. Sawol manlike as froulike keatsers klaaiden har doedestiden om yn 'e byhearrende pleats. Benammen yn 'e tiid dat de Harnzer keatser Hotze Schuil foar master opsloech, teach der by sokke keatspartijen in protte folk nei Kimswert.
Nei't de keatsferiening nei in nij ûnderkommen oan 'e Harnzerwei ferfearn wie, waard der op 'e finne in wente boud, sadat keatsen mei in lytse bal der net mear mooglik is. Mar keatsen mei in sêfte bal kin noch wol. Yn 2014 waard dêrom troch Keatsferiening De Helfrichs foar it earst de saneamde Finnepartij organisearre, dy't in grut súkses wie. Yn 2018 folge in twadde edysje, dy't op snein 17 juny ferkeatst wurdt.
Keppelings om utens bewurkje seksje
| Boarnen, noaten en/as referinsjes: |
|