Kraanfûgeleftigen

De kraanfûgeleftigen of kraaneftigen (Latynske namme: Gruiformes) foarmje in skift fan 'e klasse fan 'e fûgels (Aves), de ûnderklasse fan 'e moderne fûgels (Neornithes), de tuskenklasse fan 'e nijkakigen (Neognathae) en it boppeskift fan 'e nije fûgels (Neoaves).

Kraanfûgeleftigen
In saruskraanfûgel (Antigone antigone)
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
ûnderklasse:	moderne fûgels (Neornithes)
tuskenklasse:	nijkakigen (Neognathae)
boppeskift:	nije fûgels (Neoaves)
skift:	kraanfûgeleftigen (Gruiformes)
Bonaparte, 1854

Ta dit skift hearre in oansjenlik tal libbene sawol as útstoarne famyljes fûgels, mei 14 libbene soarten kraanfûgels (Gruidae), sa'n 145 libbene soarten ralfûgels (Rallidae), lykas de merkel (Fulica atra) en it reidhintsje (Gallinula chloropus), en in stikmannich lytsere groepen mei elts 1 oant 3 libbene soarten dy't benammen yn it tropysk reinwâld fan Súd-Amearika foarkomme.

De âldste fossilen fan dit skift stamje út it ier-Eoseen. Foarhinne waarden ferskate groepen ta de kraanfûgeleftigen rekkene dy't dêr yn modernere yndielings, basearre op DNA-ûndersyk út 2008, fan losmakke binne, wêrûnder de trapfûgels (Otidae), kagûfûgels (Rhynochetidae), sinneralfûgels (Eurypigidae), siselkloerfûgels (Cariamidae) en steltralfûgels (Mesithornithidae).

Skiftopbou

skift kraanfûgeleftigen (Gruiformes) famylje Parvigruidae † famylje Songziidae † ûnderskift echte kraanfûgeleftigen (Grui) boppefamylje Ergilornithioidea † famylje Eogruidae † famylje Ergilornithidae † boppefamylje kraanfûgels en sibben (Gruoidea) famylje kraanfûgels (Gruidae) ûnderfamylje echte kraanfûgels (Gruinae) ûnderfamylje kroankraanfûgels (Balearicinae) famylje ralkraanfûgels (Aramidae) famylje trompetfûgels (Psophiidae) ûnderskift raleftigen (Ralli) famylje Aptornithidae † famylje biisralfûgels (Heliornithidae) famylje dûnssturtralfûgels (Sarothruridae) famylje ralfûgels (Rallidae) ûnderfamylje echte ralfûgels (Rallinae) ûnderfamylje poarperhinfûgels (Porphyrioninae) ûnderfamylje reidhinfûgels (Gallinulinae)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References op dizze side.