L'Hospitalet de Llobregat

L'Hospitalet de Llobregat is in gemeente mei goed 257.000 iynwenners (sifers 2012), yn de Spaanske regio Kataloanje, yn de provinsje Barselona. De stêd is ien fan de tichtsbefolke stêden fan Spanje en ek fan de hiele Europeeske Uny.

L'Hospitalet de Llobregat
Polityk
Lân	Spanje
Aut. mienskip	Kataloanje
Provinsje	Barcelona
Sifers
Ynwennertal	257.057 (2012)
Oerflak	12,49 km²
Befolkingsticht.	18.361 / km²
Hichte	8 m
Oar
Stifting	12e iuw
Postkoade	08901 - 08909
Tiidsône	CET UTC+1
Simmertiid	CEST UTC+2
Offisjele webside
www.l-h.cat

Beskriuwing

L'Hospitalet de Llobregat, gewoanwei yn it koart Hospitalet neamd, leit tusken de rivier de Llobregat en de stêd Barselona. Feitlik is Hospitalet de súdlike tagongpoarte fan Barselona foar treinreizgers en automobilisten. Hospitalet is part fan de metropoal Barselona. De ynwenners fan Barselona kenne Hospitalet benammen fawege de festiging dêre fan in grutte Sweedske wenwinkel. Elts jier yn oktober wurdt yn Hospitalet it Ynternasjonaal Eroatysk Filmfestival fan Barcelona holden.

Demografy

De befolking fan L'Hospitalet bestiet mar foar 45,68% út Katalanen, de oare goed 54% fan de befolking komt of út it bûtenlân (23,76%; fral út Ekwador, de Dominikaanske Republyk en Marokko) of út it oarepart Spanje.

Ynwennertal yn tûzentallen

Stedsbyld

• 
  Casa de la Vila
• 
  Edificis de La Caixa
• 
  Plaça de l'Ajuntament
• 
  Casino del Centre
• 
  La Farga

Berne yn L'Hospitalet de Llobregat

• Ferran Adrià (1962), kok
• Enrique De Lucas (1978), fuotballer
• Antoni Soldevilla (1978), fuotballer
• Víctor Valdés (1982), fuotballer
• Jordi Alba (1989), fuotballer

Keppeling om utens

• Artisike en histoaryske gebouwen yn Hospitalet de Llobregat

Commons

Wikimedia Commons

Ofbylden dy't by dit ûnderwerp hearre, binne te finen yn de kategory L'Hospitalet de Llobregat fan Wikimedia Commons.