Monique van de Ven

Monica Maria Theresia van de Ven (Zeeland (Noard-Brabân), 28 july 1952) is ien fan de bekendste Nederlânske filmaktrises fan de jierren santich, 80 en 90 fan de 20e iuw. Se is ek te sjen op de telefyzje en yn de reklamespotsjes fan FBTO.

Monique van de Ven (2018)

Monique van de Ven yn 1973

Ynterview Monique van de Ven op Skiphol oer har ambassadeurwêzen by UNICEF

Biografy

Monique van de Ven waard berne yn it Brabânske Zeeland en groeide op in Rijswijk. Se folge ien jier de Toanielskoalle yn Maastricht en waard dêr yn 1971 weihelle foar har filmdebút yn Turks Fruit.

Van de Ven wie 17 jier troud mei kameraman Jan de Bont, mei wa't se fanôf midden jierren santich oant 1987 yn Los Angeles wenne. Se is letter troud mei akteur/senarioskriuwer Edwin de Vries, dy't se moete by de opnames foar Een Maand Later (1987).

Hja krige twaris in Gouden Keal, yn 1985 foar har hiel oeuvre en tsien jier letter foar har optreden yn de film Romeo. Yn 1999 waard se útroppen ta Nederlânsk aktrise fan de iuw.

Mei de ferfilming fan it boek Zomerhitte fan Jan Wolkers makket se yn it foarjer fan 2008 har foarneamste rezjydebút. Yn 1996 hie hja al in koarte film regissearre; Mama's Proefkonijn.

Yn jannewaris 2012 begûn Omrop MAX mei de telefyzjesearje Dokter Deen, dy't spilet op Flylân dêr't it pear De Vries-Van de Ven in hûs hat. Sy betochten tegearre de searje nei oanlieding fan besteande ferhalen fan dokter Deen, âld-hûsdokter op Flylân.

Njonken aktrise is Monique van de Ven sûnt 1996 ambassadeur foar Unicef Nederlân.

Yn 1993 krige Monique in soan, Sammie.

Famylje

Monique van de Ven har pake Jos van de Ven wie boargemaster fan Zeeland (Noard-Brabân).

Filmografy

• Turks fruit (1973) - Olga Stapels
• Dakota (1974) - Claudia
• Verloren maandag (1974) - Linda
• De wolvenman (Mini-searje, 1974) - Gerrie de Haas
• Keetje Tippel (1975) - Keetje Tippel
• De laatste trein (1975) - Loesje
• Anita Drogemöller und die Ruhe an der Ruhr (Telefyzjefilm, 1976) - Anita Drogemöller
• Sil de strandjutter (Mini-searje, 1976) - Lobke
• Dokter Vlimmen (1977) - Leonieke
• Dag dokter (1978) - Ingrid Sanders
• Stunt Rock (1978) - Rol ûnbekend
• Starsky and Hutch Telefyzjesearje - Anna Akhanatova (ôfl., A Body Worth Guarding, 1978)
• Een vrouw als Eva (1979) - Eve
• Uit elkaar (1979) - Linda
• Hoge hakken, echte liefde (1981) - Jenny Vreugdehil
• Breach of Contract (1982) - Rol ûnbekend
• Ademloos (1982) - Anneke
• Brandende liefde (1983) - Anna
• Dixie: Changing Habits (Telefyzjefilm, 1983) - Sherry Bouvais
• Voyagers! Telefyzjesearje - Erika Schoemacher (ôfl., Pursuit, 1983)
• Wizards and Warriors Telefyzjesearje - Talia (ôfl., Dungeon of Death, 1983)
• Remington Steele Telefyzjesearje - Mary Howell Dannon (ôfl., Altered Steele, 1983)
• De schorpioen (1984) - Anna
• De Oanslach (1986) - Saskia de Graaff/Truus Coster
• Een maand later (1987) - Monika
• Tonight's the Night (Telefyzjefilm, 1987) - Rol ûnbekend
• Iris (1987) - Iris
• Amsterdamned (1988) - Laura
• Paint It Black (1989) - Kyla Leif
• De Kassière (1989) - Baakster Conny
• Romeo (1990) - Anne Herden
• The Man Inside (1990) - Tina Walraff
• Eline Vere (1991) - Betsy van Raat
• Iris Telefyzjesearje - Iris de Weerdt (1992)
• De Johnsons (1992) - Victoria Lucas
• Lang leve de koningin (1995) - Wite keninginne
• Toy story (1995) - Bo Peep
• Eine kleine Nachtmerrie Telefyzjesearje - Rol ûnbekend (1996)
• Windkracht 10 Telefyzjesearje - Frederica 'Fred' Beekman (ôfl. ûnbekend, 1997)
• Zeeuws meisje Telefyzjesearje - Augurken-commercial dame (1998)
• De bovenman (2001) - Iet
• The Discovery of Heaven (2001) - Ada's ferpleechster
• Amazones (2004) - Kers
• Divina Gloria (Telefyzjefilm, 2006) - Rol ûnbekend
• Spangen Telefyzjesearje - Sylvia Richter (1999-2006)
• Zadelpijn (Telefyzjefilm, 2007) - An
• Dokter Deen, (telefyzjerige, 2012) - dokter Maria Deen
• Daglicht, 2013 - Ageeth Boelens
• Doris, 2013 - Leonie Dorenbos
• Doris (film, 2018) - Leonie Dorenbos
• Toy Story 4 (2019) - Bo Peep (Nederlânske stim)

Rezjy

• Mama's proefkonijn (1996)
• Zomerhitte (2008)

Keppeling om utens

• Filmoersjoch
• Filmfoto's fan Monique van de Ven

Ofbylden dy't by dit ûnderwerp hearre, binne te finen yn de kategory Monique van de Ven fan Wikimedia Commons.