Nacho Vidal
Nacho Vidal, echte namme: Ignacio Jordà González (Mataró, 30 desimber 1973), is in Spaansk pornografysk akteur, stripper, regisseur, pornografyprodusint, senarioskriuwer, kameraman en mainstream-tillefyzjeakteur fan etnysk Katalaansk komôf, dy't ek wol wurke hat ûnder de nammen Nachu en Nachos Camachos. Hy waard mids jierren njoggentich ûntdutsen en wie in hoart de protezjee fan 'e ferneamde Italjaanske pornoakteur, regisseur en produsint Rocco Siffredi. Behalven heteroseksuële pornografy hat Vidal as regisseur en produsint ek transseksuële en homoseksuële porno makke.
| Nacho Vidal | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Nachu, Nachos Camachos | |
| echte namme | Ignacio Jordà González | |
| nasjonaliteit |  Spaansk
| |
| berne | 30 desimber 1973 | |
| berteplak | Mataró (Spanje) | |
| etnisiteit |  Katalaansk
| |
| wurkpaad | ||
| wurksum as | pornoakteur, stripper, regisseur, produsint, senarioskriuwer, kameraman | |
| jierren aktyf | 1997 – no | |
| offisjele webside | ||
| www.nachovidal.com | ||
Libben en karriêre bewurkje seksje
Jonkheid bewurkje seksje
Vidal waard ein 1973 berne yn Mataró, yn 'e provinsje Barseloana, yn 'e Spaanske dielsteat Kataloanje. Doe't er noch tige jong wie, ferfearen syn âldelju mei him nei de stêd Falinsia, yn 'e dielsteat mei deselde namme, dêr't syn famylje oarspronklik wei kaam. Vidal waard berne yn in mear as begoedige fermidden, mar syn famylje rekke alle jild kwyt yn 'e Beurskrach fan 1987. Sadwaande moast Vidal op syn fjirtjinde fan skoalle om oan it wurk, om te helpen it gesin itende te hâlden. Yn syn tinerjierren wied er lid fan in punkband, en teffens died er oan boksen.
Doe't er mearderjierrich waard, naam Vidal tsjinst by it Spaanske Legioen, yn 'e Spaanske eksklave Melilla, op 'e Marokkaanske kust. Nei't er in pear jier letter ôfswaaid wie, sette er yn 1994, doe't er 21 jier wie, útein mei te wurkjen yn 'e live-pornoklub Bagdad, yn Barseloana, dêr't er stripte en yn it iepenbier seksuële omgong hie mei syn doetiidske freondinne, dy't de skûlnamme Jazmine brûkte. Dêr mette er José María Ponce, de direkteur fan it Ynternasjonaal Eroatysk Filmfestival fan Barseloana, dy't him yn 'e kunde brocht mei de Spaanske pornoyndustry.
Pornokarriêre bewurkje seksje
Yn 1997 makke Vidal mei 24 jier syn debút yn in pornografyske film. Hy naam de skûlnamme Nacho Vidal oan. "Nacho" is de ropnamme-fariant fan syn echte foarnamme Ignacio, mar slacht ek op syn foarleafde foar nacho's, it leafst mei tsiis en salsa. Dat er dêrom bekend stiet, smiet him yn 2007 in – nei't men oannimme mei – lukratyf kontrakt op mei de Meksikaanske salsaprodusint Herdez, om dy harren produkten mei reklame op 'e Meksikaanske tillefyzje en yn tydskriften oan te priizgjen. Yn it reklamespotsje op 'e tillefyzje sit Vidal yn it bad as de Meksikaanske pornoaktrise Sandra Soto en Sofie Mijares de baaikeamer binnenkomme yn tsjûke wite badjassen en mei in blêd by harren dat folloege is mei nacho's, tsiis en salsa fan Herdez. Nei't se him tegearre op sensuële wize hapkes opfuorre hawwe, glidet it byld omleech nei de fuotten fan 'e froulju, wêrnei't te sjen is hoe't de beide badjassen op 'e flier falle en de froulju by Vidal yn it bad stappe foar in trioke. Dan ferskynt de Spaanske tekst: "Meitsje jó libben ek pittiger" yn byld.
As begjinnend pornoakteur waard Vidal op sleeptou nommen troch de ferneamde en yn it sâlt bebitene Italjaanske akteur, regisseur en produsint Rocco Siffredi, dy't him 1998 meinaam nei de Feriene Steaten en him yn Hollywood oeral yntrodusearre. Letter kaam it ta in brek tusken de beide mannen. Yn syn karriêre hat Vidal oant no (ein 2013) ta, neffens de Internet Adult Film Database (IAFD), yn 492 pornofilms spile, al sprekke oare boarnen fan mear 1.500 films. Dêrmei hat er troch de jierren hinne in grut tal prizen wûn, wêrûnder in Ninfa Award op it Ynternasjonaal Eroatysk Filmfestival fan Barseloana, en sân Amerikaanske AVN Awards (de Oskars fan 'e pornowrâld), wylst er dêropta noch 24 kear foar sa'n AVN Award nominearre west hat.
Vidal wurke almeast foar foaroansteande Amerikaanske studio's as Evil Angel, New Sensations, Digital Playground, Devil's Film en Digital Sin, al spile er ek wol yn films fan Jeropeeske labels as Private en Vidéo Marc Dorcel. Uteinlik rjochte er syn eigen filmstudio op, Nacho Vidal Productions. Njonken syn karriêre as pornoakteur wied er fan 2000 ôf ek wurksum as regisseur fan 140 films (neffens de IAFD), frijwol útslutend foar Evil Angel en New Sensations. Dêrby beheinde er him net ta heteroseksuële pornografy, mar makke er ek transseksuële en homoseksuële porno (hoewol't er oanjûn hat sels heteroseksueel te wêzen).
Op 31 maaie 2005 kundige Vidal oan dat er him per direkt weromloek út 'e pornoyndustry. Hy troude mei de Kolombiaanske pornoaktrise Franceska Jaimes, en sette him nei wenjen yn in filla dy't foar de Beurskrach fan 1989 fan syn famylje west hie, yn it doarp Enguera, yn 'e Spaanske dielsteat Falinsia. Seis wiken letter rûn syn houlik lykwols al op 'e klippen; hy en Jaimes skieden, en Vidal pakte syn pornokarriêre wer op. Hoewol't er út dit koarte houlik gjin bern krige, hat er in dochter út in eardere relaasje mei de Fenezolaanske Rosa Castro. Njonken syn pornokarriêre hat Vidal ek as mainstream-akteur te sjen west yn 'e Spaanske films El Alquimista Impaciente (2002), Va a Ser Que Nadie Es Perfecto (2006) en Impávido (2012), en yn 'e tillefyzjesearje Los Simuladores.
Gerjochtlike ferfolging bewurkje seksje
Op 16 oktober 2012 waarden Vidal en syn suster María José Jordà González yn Barseloana arrestearre op fertinking fan belestingûntdûking en wytwaskjen fan jild foar de Sineeske organisearre misdie. Hja wiene twa fan likernôch 80 arrestanten yn dy saak, wêrby't de Spaanske plysje ynfallen die by sa'n 120 bedriuwen yn 'e haadstêd Madrid en yn Barseloana. Wylst it Spaanske Iepenbier Ministearje Vidal yn it tichthûs hâlde wol wylst it ûndersyk rûn, akseptearre rjochter Fernando Andreu op 19 oktober it argumint fan Vidal syn abbekaat dat der gjin kâns bestie dat er it lân ûntflechtsje soe, mei't er in kontrakt tekene hie om mei te dwaan oan in realityprogramma op 'e Spaanske tillefyzje, wêrfoar't er 24 oeren deis ûnder kameratafersjoch stie. Sadwaande kaam Vidal op boarchtocht frij. Hy hold út dat er ûnskuldich wie. De saak rint noch.
Prizen en nominaasjes bewurkje seksje
| Jier | Priis | Resultaat | Kategory | Foar syn optreden yn |
|---|---|---|---|---|
| 1999 | AVN Award | nominearre | bêste akteur (fideo) | Face Dance Obsession |
| 2000 | AVN Award | wûn | bêste sekssêne yn in bûtenlânske publikaasje (mei Kelly Stafford, Alba Del Monte en Rocco Siffredi) | When Rocco Meats Kelly 2: In Barcelona |
| 2001 | AVN Award | wûn | bêste sekssêne yn in bûtenlânske publikaasje (mei Jazmine en Isabella) | Buttman's Anal Divas |
| XRCO Award | wûn | bêste triosekssêne f/f/m (mei Brenda Black en Jessica Fiorentino) | Please 9: Sex Warz | |
| 2002 | AVN Award | nominearre | manlike artyst fan it jier | n.f.t. |
| 2001 | AVN Award | nominearre | bêste orale sekssêne (fideo) (mei Belladonna) | Back 2 Evil |
| nominearre | bêste sekssêne yn in bûtenlânske produksje (mei Belladonna, Sarah O'Neil en Daniella Schiffer) | Rocco: Animal Trainer 10 | ||
| nominearre | bêste anale sekssêne (fideo) (mei Taylor Rain) | Erotica XXX | ||
| nominearre | skandalichste sekssêne (mei Belladonna en Carol) | She-Male Domination | ||
| nominearre | manlike artyst fan it jier | n.f.t. | ||
| wûn | bêste sekssêne mei in pearke (fideo) (mei Belladonna) | Back 2 Evil | ||
| wûn | bêste groepsekssêne (fideo) (mei Ashley Long, Julie Night en Manuel Ferrara) | Back 2 Evil | ||
| FICEB Ninfa Award | wûn | bêste travestitefilm | Travestis Dominados por Nacho | |
| XRCO Award | nominearre | bêste groepsekssêne (mei Ashley Long, Julie Night en Manuel Ferrara) | Back 2 Evil | |
| 2005 | AVN Award | nominearre | bêste anale sekssêne (fideo) (mei Belladonna) | Bella Loves Jenna |
| 2007 | AVN Award | nominearre | bêste orale sekssêne (fideo) (mei Katsuni) | Fashionistas Safado: The Challenge |
| nominearre | bêste byrol fan in akteur (fideo) | Fashionistas Safado: The Challenge | ||
| 2008 | AVN Award | nominearre | bêste sekssêne mei in pearke (fideo) (mei Melissa Lauren) | Fashionistas Safado: Berlin |
| nominearre | bêste byrol fan in akteur | Fashionistas Safado: Berlin | ||
| 2009 | AVN Award | nominearre | bêste sekssêne yn in bûtenlânske produksje (mei Melissa Lauren) | Casino, No Limit |
| 2010 | AVN Award | nominearre | bêste sekssêne yn in bûtenlânske produksje (mei Tarra White) | Pornochic 17: Tarra White |
| nominearre | bêste sekssêne yn in bûtenlânske produksje (mei Bobbi Starr en Felipe Vernes) | Made in Brazil 4 | ||
| 2012 | AVN Award | nominearre | bêste sekssêne mei in pearke (mei Gracie Glam) | Gracie Glam: Lust |
| nominearre | bêste anale sekssêne (mei Kelly Divine) | Kelly Divine is Buttwoman | ||
| nominearre | bêste anale sekssêne (mei Bobbi Starr) | Shut Up and Fuck | ||
| nominearre | bêste anale sekssêne (mei Kristina Rose) | Nacho Invades America | ||
| nominearre | bêste triosekssêne f/f/m (mei Amy Brooke en Gracie Glam) | Nacho Vidal vs. Live Gonzo | ||
| nominearre | skandalichste sekssêne (mei Franceska Jaimes) | Nacho Vidal vs. Live Gonzo | ||
| nominearre | manlike artyst fan it jier | n.f.t. | ||
| wûn | bêste anale sekssêne (mei Asa Akira) | Asa Akira Is Insatiable 2 | ||
| wûn | bêste triosekssêne f/f/m (mei Kristina Rose en Jada Stevens) | Ass Worship 3 | ||
| ynhuldige | AVN Hall of Fame | n.f.t. | ||
| Urban X Award | nominearre | bêste triosekssêne f/f/m (mei Dana DeArmond en Franceska Jaimes) | Nacho Vidal Back to the USA | |
| Xbiz Award | wûn | bûtenlânske manlike artyst fan it jier | n.f.t. | |
| Turia Award | wûn | Huevo de Colón Award ("Aai fan Kolumbus-priis") | n.f.t. | |
| 2013 | AVN Award | nominearre | bêste sekssêne yn in bûtenlânske produksje (mei Franceska Jaimes) | Fucking Tour |
| nominearre | bêste anale sekssêne (mei Chanel Preston) | Nacho Vidal: The Sexual Messiah 2 | ||
| nominearre | bêste anale sekssêne (mei Skin Diamond) | Nacho Vidal: The Sexual Messiah 2 | ||
| nominearre | manlike artyst fan it jier | n.f.t. | ||
| wûn | bêste sekssêne mei in pearke (mei Alexis Ford) | Alexis Ford: Darkside | ||
| Xbiz Award | wûn | bêste sekssêne yn in gonzo/non-feature-publikaasje | n.f.t. | |
| 2014 | AVN Award | nominearre | bêste sekssêne yn in bûtenlânske produksje (mei Penelope Crunch en Franceska Jaimes) | Fuck, Yeeaaah!!!! |
Keppelings om utens bewurkje seksje
- (in) & (sp) Offisjele webside fan Nacho Vidal
- (in) Biografy en filmografy fan Nacho Vidal yn 'e Internet Movie Database (IMDb)
- (in) Biografyske gegevens en filmografy fan Nacho Vidal yn 'e Internet Adult Film Database (IAFD)
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
