In riedsel is in slim oplosber probleem. It wurdt soms yn 'e foarm fan in ferhaal opskreaun. De oplossing (it antwurd) moat fûn wurde troch it brûken fan eleminten út it ferhaal en it sûne ferstân. De sjarme fan it riedsel is it (ûnferwachte) antwurd.

It stellen fan riedsels wie (is?) in fermaaklike foarm fan ûntspanning. In soad riedsels wienen dan ek yn fersfoarm (it riedselrym).

  • At er rint, dan stiet-er,
    At er fljocht dan leit-er.
    • antwurd: it túfke fan in ljip

Sommige moppen binne ek yn de foarm fan in riedsel.

  • Wat is swart-wyt en sit yn 'e beam?
    antwurd: in nêst jonge kij
  • Wêr sit de measte fisk?
    antwurd: tusken de kop en de sturt
  • Hoe witte jo wa't in Belch op in neakenstrân is?
    antwurd: Dejinge mei in puntsek

As bern in riedsel stelle begjinne se faak mei: "ra, ra".

  • Ra, ra, wat haw ik yn myn hân?

In berneferske:

  • De kening fan Egypte
    die hie in ding dat hipte
    tusken syn poaten
    en ûnder syn gat.
    Ra, ra, wat is dat?
    antwurd: syn hynder

In noch net oplost fraachstik, wurdt ek in riedsel neamd.