Sûkelarjeheuvels

(Trochferwiisd fan Sûkelarjebergen)

De Sûkelarjeheuvels of Chocolate Hills binne de grutste attraksjes op it Filipynske eilân Bohol. Midden op in hast flak plato ferrize yn in gebiet fan mear as 50 km² 1.268 meast likense kegelfoarmige hichten fan ± 30-50 meter heech. Se binne foar it meastepart begroeid mei gers dat yn it drûge diel fan it jier in brune tint krijt. De heuvels dogge dan wat tinken oan kollossale sûkelarjeheuvels.

Lizzing Bohol
Sûkelarjeheuvels

Geology bewurkje seksje

Dit bysûndere geologyske ferskynsel is ûntstien troch de ferwaring fan kalkstien en eroazjeferskynsels. De hichten binne in foarm fan tropyske kegelkarst. Hjirby binne de karstferskynsels folle fierder trochgien as yn in lânskip mei skaaimerken as dolines en poljes.

Ferhalen bewurkje seksje

De lokale myte seit dat twa reuzen dagen efterinoar tsjin elkoar fochten hawwe mei stiennen en sân. Mear romantysk is it ferhaal fan Arogo, in sterke en jonge reus dy't fereale rekke op it famke Aloya. Doe't Aloya dea gie yn de hânpalm fan de reus, feroaren syn triennen yn de heuvels.

Nasjonaal Monumint bewurkje seksje

Yn 1988 waarden de Sûkelarjeheuvels útroppen ta Nasjonaal- en Geologysk Monumint troch it Filipynske regear.

Boarnen, noaten en referinsjes bewurkje seksje

Boarnen, noaten en/as referinsjes:
  • Urich, Peter B., Day, Michael J. & Lynagh, Fiona, (2001). Policy and practice in karst landscape protection: Bohol, the Philippines. The Geographical Journal 167(4), 305-323.
  • Webside oer Chocolate Hills