Sleeswyk (stêd)

stêd

Sleeswyk (Dútsk: Schleswig, Deensk: Slesvig, Súd-Jutlânsk: Sljasvig, Nederlânsk (ferâldere): Sleeswijk) is in stêd yn it noarden fan de Dútske dielsteat Sleeswyk-Holstein. Sleeswyk leit oan de Schlei (Deensk en Nedersaksysk: Sli), in 43 km lange ynholte fan de Eastsee.

Sleeswyk
Polityk
Lân Dútslân
Dielsteat Sleeswyk-Holstein
Distrikt Sleeswyk-Flensboarch
Sifers
Ynwennertal 24.058 (2010)
Oerflak 24,3 km²
Befolkingsticht. 990 / km²
Hichte 1 m
Oar
Koördinaten
Offisjele webside
Offisjele webside (dú)
Lizzing fan Sleeswyk yn Sleeswyk-Flensboarch
Schleswig yn 1600

Skiednis bewurkje seksje

De Wytsinge delsetting Hedeby, dy't súd fan de stêd lei, waard foar it earst neamd yn 804. In wichtige delsetting, dy't it Baltyske gebiet goed 200 jier behearske. Neidat it plak ferskate kearen ferwoastge west hie, ferhuze de befolking yn 1050 nei de oare kant fan de Schlei en dêr ûntstie de stêd Sleeswyk. Guon saakkundigen wolle hawwe dat beide delsettingen yn deselde snuorje stifte binne.

Yn 1544 waard it kastiel Gottorf de residinsje fan de pleatslike hearskers. De hartoggen fan Gottorf wiene fazallen fan de Deenske keningen en regearren oer it gebiet dat no Sleeswyk-Holstein is. Yn 1721, doe't de Grutte Noardske Kriich einige, ferlearen de hartoggen fan Gottorf harren macht en harren lân kaam oan de Deenske kroan. Nei de Twadde Sleeswykske Kriich (1864), waard de stêd Sleeswyk anneksearre troch it Keninkryk Prusen.

Stedsbyld bewurkje seksje