Broeretsjerkeplein
It Broeretsjerkeplein (Nederlânsk: Broerenkerkplein) is in park yn de âlde binnenstêd fan de Oeriselske haadstêd Swol.
| Broeretsjerkeplein Broerenkerkplein | ||
| ||
| De Librije oan de Broeretsjerkeplein | ||
  |
It park wie eartiids part fan in Dominikaner-kleasterkompleks, dêr't de Broeretsjerke en De Librije noch fan oerbleaun binne. Tusken 1758 en 1899 wie der in synagoge yn it pân fan De Librije fêstige. De Wijndragerstoren, in midsiuwske poarte fan de âlde stedsmuorre stiet by it plein.
Hjoed-de-dei is it park in grien plein mei gers, beammen en in lytse blommetûn oan de râne fan it winkelgebiet yn it sintrum fan Swol. Der stiet in byld op it plein dy't troch de Frânske keunstner Eugène Dodeigne makke waard[1]. It doopfont fan de yn 1965 ôfbrutsen Sint-Michaeltsjerke waard yn 2003 op it plein pleatst. It hat lykwols te lijen fan oanhâldend fandalisme[2].
| Boarnen, noaten en/as referinsjes: |
|