Cerisy-la-Forêt

Cerisy-la-Forêt is in plak en gemeente yn it Frânske departemint Manche (regio Normandje). It doarp makket diel út fan it arrondissemint Saint-Lô. Bayeux leit 18 kilometer noardeastlik, Saint-Lô, prefektuer fan it departemint, 14 km súdwestlik en Caen 42 km eastlik.

Cerisy-la-Forêt
Abdijtsjerke
Flagge	Wapen
Polityk
Lân	Frankryk
Regio	Normandje
Departemint	Manche
Sifers
Ynwennertal	1.031 (2018)
Oerflak	23,81 km²
Befolkingstichtens	43 / km²
Hichte	34-131 m
Oar
Tiidsône	UTC+1
Simmertiid	UTC+2

Skiednis

De ierste fermelding fan Cerisy-la-Forêt stamt út de 6e iuw, yn de tiid doe't Vigorus, de lettere biskop fan Bayeux, it gebiet kristene. De evangelist krige fan de lokale hear fiifentwintich doarpen om him te tankjen foar it de ferlossing fan "in heislike slang dy't minsken en bisten fermoarde". Vigorus stifte in oan Petrus en Paulus wijd kleaster op it plak wat earder foar druïden in hillich plak wie. Yn de 9e iuw waard it gebiet troch Wytsings oerfallen. Hja plonderen yn 891 Bayeux en it kleaster waard ferneatige.

Kening Karel III joech Rollo it gebiet, dêr't letter Normandje út ûnstie en Cerisy waard in wichtich plak. Rollo joech ek opdracht ta de bou fan in abdij, dy't bestie út tsientallen parochy's en acht priorijen, wêrûnder twa yn Ingelân (Sherborne en Peterborough). De abdij waard yn de Frânske Revolúsje opheft.

Untwikkeling ynwennertal

De ûntwikkeling fan it ynwennertal is as folget:

1962	1968	1975	1982	1990	1999	2006	2012	2018
1.103	1.051	923	941	784	839	900	936	1031

It besjen wurdich

• De romaanske abdijtsjerke en de goatyske Sint-Gerebolduskapel op it eardere abdijgebiet.
• Twa châteaux: it Château de La Boulaye út de 18e-20e iuw en it Château de La Couespellière út de 16e-19e iuw. Beide kastieltsjes hawwe in oan Us-Leaffrou wijde kapel.

Ofbylden

• 
  Sint-Gerebolduskapel
• 
  Moulin des rondelles
• 
  Château de La Boulaye
• 
  Château de La Couespellière
• 
  Us-Leaffrouwekapel Château de La Boulaye

Boarnen, noaten en referinsjes

Boarnen, noaten en/as referinsjes:

INSEE: Statistiken Cerisy-la-Forêt Commons Wikimedia Commons  Ofbylden dy't by dit ûnderwerp hearre, binne te finen yn de kategory Cerisy-la-Forêt fan Wikimedia Commons.