De Havilland Leopard Moth D.H. 85
| de Havilland D.H.85 Leopard Moth | |
|---|---|
|
| |
| Rol | Partikulier gebrûk, ferkenner |
| Makker | de Havilland Aircraft Company |
| Untwerper | |
| Earste flecht | 27 maaie 1933 |
| Yn tsjinst | 8 july 1933 |
| Ut tsjinst | |
| Tal makke | 133 (1933-1936) |
| Brûkers | Priveegebrûk yn Feriene Keninkryk en Austraalje, militêr yn alve lannen |
| Farianten | gjin |
De de Havilland D.H.85 Leopard Moth wie in as heechdekker útfierde, trijepersoans sportfleantúch, ûntwurpen en makke troch de Britske fleanmasinefabrikant de Havilland Aircraft Company út 1933.
Untwerp bewurkje seksje
De Leopard Moth wie de opfolger fan de D.H.80 Puss Moth dêr't ek ûnderdielen fan itselde wiene. It tastel like in protte op syn foargonger, mar yn 't plak fan in stielen buisframe krige it nije tastel in lichter houten frame. Dat hie fan gefolch dat de prestaasjes fan it tastel bot ferbetteren mei gebrûk fan itselde type motor. De fleander siet midden foar yn foar de twa passazjiersstuollen. De fleugels koene opteard wurde foar stâljen yn de hangaar.
Operasjonele skiednis bewurkje seksje
It prototype fleach foar it earst op 27 maaie 1933 en wûn july dat jier de King's Cup Race' mei in trochseed faasje fan 224.5 km/o; Geoffrey de Havilland wie de piloat. Totaal waarde der 133 tastellen boud, 71 foar partikuliere yn Grut Brittanje en 10 foar Austraalje. Teffens waarden tastellen ferkocht oan Frankryk, Dútslân, Yndia, Súd-Afrika en Switserlân. De produksje fan de Leopard Moth einige yn 1936.
Yn de Twadde Wrâldoarloch kamen 44 Leopard Moths yn militêre tsjinst yn Grut-Brittanje, Austraalje en noch wat oare lannen, meast waarde se brûkt foar ferbiningsdoelen. Nei seis jier yntensyf gebrûk wiene der noch een pear oer dêr't in lyts tal fan 70 jier nei produksje noch fleanree wiene. Yn 2009 wiene der yn it Feriene Keninkryk noch seis tastellen fleanree.
Technyske gegevens bewurkje seksje
| Gegevens | |
|---|---|
| Bemanning | 1 |
| Passazjiers | 2 |
| Langte | 7,50 m |
| Spanwiidte | 11,40 m |
| Hichte | 2,70 m |
| Fleugeloerflak | 19,1 m² |
| Gewicht leech | 640 kg |
| Startgewicht | 1.010 kg |
| Topfaasje | 221 km/o |
| Krúsfaasje | 192 km/o |
| Klimfaasje | 2,8 m/s |
| Tsjinstplafond | 6.550 m |
| Fleanberik | 1.090 km |
| Oandriuwing | ien 4-sylinder-linemotor de Havilland Gipsy Major fan 95 kW |
Keppeling om utens bewurkje seksje
 |
Ofbylden dy't by dit ûnderwerp hearre, binne te finen yn de kategory De Havilland Leopard Moth D.H. 85 fan Wikimedia Commons. |