Fransumer Voorwerk

Fraansumer Foarwurk
(Trochferwiisd fan Fraansumer Foarwurk)

Fransumer Voorwerk is in buorskip yn de gemeente Westerkertier yn de provinsje Grinslân. It leit besúdeasten de wierde Fransum.

De buorskip bestiet út in wierde mei dêrop de pleatsen Bellevue en de Jong, dy't op it plak steane dêr't it kleaster fan Aduard yn de midsiuwen in foarwurk hân hat. Wat mear nei it suden leit Aduarderfoarwurk, ek stifte as in úthôf fan it kleaster.

De wierde leit op in âlde kwelderrêch en hat in omtrek fan ûngefear 225 meter en in hichte fan ûngefear 2,78 meter boppe NAP. De wierde is ôfgroeven oan de noardeast- en súdeastside. Yn de wierde binne spoaren fan bewenning út de Romeinske tiid fûn. Spoaren út de midsiuwen ûntbrekke, wat derop wiist dat de wierde mooglik in skoft ferlitten west hat.

Panorama oer de wierde
Panorama oer de wierde