Grumman F6F Hellcat

Grumman F6F Hellcat

Rol	Jachtfleantúch
Makker	Grumman
Earste flecht	26 juny 142
Yn tsjinst	Jannewaris 1943
Ut tsjinst	1960 Marine fan Urûguay^[1]
Tal makke	12.275 (1942-1945)
Brûkers	United States Navy, United States Marine Corps Royal Navy Frânske Marine
Priis	$35.000 yn 1945^[2]

De Grumman F6F Hellcat wie in Amerikaanske jachtfleanmasine út de Twadde Wrâldoarloch. It tastel opererearre fan fleandekskippen ôf. It wie de opfolger fan de Grumman F4F Wildcat.

Hoewol't de Hellcat op syn foargonger like, wie it in nij ûntwerp, mei in sterkere motor. Yn it ûntwerp waard rekken holden mei de gefjochtsûnderfining tsjin de Japanske Zero. Tegearre mei de F4U Corsair wie de Hellcat de wichtichste jager fan de Amerikaanske Marine yn de twadde helte fan de oarloch.

De Hellcat waard it meast súsesfolle marinefleantúch, mei in totaal fan 5.163 oerwinningen (kills) op fijanlike tastellen (56% fan alle U.S. Navy/Marine oerwinningen yn de loft yn de oarloch). Dêrby giene 270 Hellcats ferlern.
Hy wie yn tsjinst fan de Amerikaanske Marine, Mariniers en de Britske Royal Navy. Nei de Twadde Wrâldoarloch waard it tastel stadichoan ferfongen, mar de lêste Amerikaanske Hellcats diene tsjinst oant 1954 as nachtjager.

Technyske gegevens bewurkje seksje

Grumman F6F-5 Hellcat

	Gegevens F6F-3	Gegevens F6F-5
Langte	10,10 m	10,23 m
Spanwiidte	13,05 m	13,08 m
Hichte	3,97 m	3,99 m
Draachoerflak fleugels	31,03 m²	31,03 m²
Motor	ien 18-sylinder-dûbelstjermotor Pratt & Whitney R-2800-10W Double Wasp fan 2000 hk
Topfaasje	612 km/o op 5.280 m	621 km/o
Normaal fleanberik	1.745 km	1.674 km
Bemanning	1	1
Tsjinstplafond	11.720 m	11.369 m
Gewicht leech	4.100 kg	4.152 kg
Gewicht by start	5.160 kg	6.991 kg
Bewapening	seis 12,7-mm-Browning M2-masinegewearen	seis 12,7-mm-mgs mei 400 patroanen it stik twa bommen of seis raketten (maks. 907 kg)