Hjoed yn it Park is in fergees tagonklik muzykfestival dat elts jier yn july as ûnderdiel fan 'e Akademyske Dagen holden wurdt yn it Stedspark fan 'e Fryske stêd Frjentsjer. Njonken optredens op it mêd fan popmuzyk en oare muzyksjenres foar jong en âld op ferskate poadia, wurde der ek berne-aktiviteiten organisearre en is der in keur oan itenskreammen. De earste edysje fan Hjoed yn it Park wurdt holden op sneon 7 july 2018 tusken ien oere middeis en ien oere nachts.

Hjoed yn it Park
plak en tiid
lân Nederlân
provinsje Fryslân
gemeente De Waadhoeke
plak Frjentsjer
holden yn it Stedspark
tiid fan it jier july
bysûnderheden
soarte evenemint muzykfestival
sjenre popmuzyk en oare sjenres
bestean 2018 – no
offisjele webside
Hjoed yn it Park op Facebook

De inisjatyfnimmers, Bertjan Bloemsma, Pieter van Dijk en Allard Hutten, sizze dat se mei it nije muzykfestival in moetingsplak skeppe wolle dêr't de hiele gemeente De Waadhoeke (dy't per 1 jannewaris 2018 oprjochte waard út It Bilt, Frjentsjerteradiel, Menameradiel en fjouwer doarpen fan Littenseradiel) gearkomme en mei-inoar yn 'e kunde komme kin. De earste edysje fan Hjoed yn it Park is ta stân kommen yn gearwurking mei de gemeente De Waadhoeke en partikuliere sponsors.

Keppelings om utens bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:
  • Franeker is evenement rijker, yn: de Frjentsjerter Krante, 23 maaie 2018, s. 1 mei ferfolch fan itselde stik op s. 3.