Hege (eilân)

(Trochferwiisd fan Hooge)

Hege (Dútsk: Hooge; Deensk: Hoge; Noardfrysk: Huuge) is ien fan de Halligen yn Dútslân. It is nei Nees it twadgrutste Hallich, mei likernôch 75 ynwenners. Hege leit yn de gemeente Hege. It Hallich leit tusken Oomram, Nees en Pelweerm yn.

Lizzing fan Hege
De Ockelützwarft op Hege
Tsjerke fan Hege.

Skiednis bewurkje seksje

Hege hat lange tiid in ûnderdiel west fan it Pelweermer hiirde. Mei de Twadde Marsellusfloed yn 1362 rekke it eilân los fan Pelweerm en rekken de tsjerke en de dyk fan it gebiet skansearre.

Dat de seespegel heger wurdt en de stoarmen op see sterker is ek te fernimmen op Hege. Yn de 20e iuw rekke it eilân likernôch fiif kear yn it jier ûnder wetter, tsjintwurdich kin dat wol oprinne oant tolve kear yn it jier.

Sûnt de midsiuwen hat it eilân te krijen mei in leger wurdend ynwennertal. Yn 1593 wienen der noch 23 terpen op it eilân, yn 1758 wienen dat der noch mar 16. Om 1800 hinne wennen der sa'n 480 minsken op it eilân. Krekt foar de Stoarmfloed fan 1825 stienen der likernôch 100 huzen op it eilân en wennen der 393 minsken. 25 jier letter wienen dat noch mar 70 huzen en 250 ynwenners. Oan it begjin fan de 20e iuw wennen der noch 140 minsken, tsjintwurdich leit it ynwennertal om en de by de 75 persoanen.

Op it eilân wurdt noch troch in lyts tal minsken it Hallichfrysk sprutsen, in taalfariant fan it Noardfrysk.

Terpen bewurkje seksje

Op Hege binne tsien bewenne terpen, wêrfan twa in dûbelterp foarmje:

  • Backenswarft
  • Kirchwarft
  • Ockelützwarft
  • Hanswarft
  • Ockenswarft
  • Lorenzwarft/Mitteltritt (dûbelterp)
  • Volkertswarft
  • Ipkenswarft
  • Westerwarft

Keppelings om utens bewurkje seksje

 
Fryske eilannen
 
 

Westfryske eilannen:
Noarderheaks - Teksel - Flylân - de Richel - it Gryn - Skylge - It Amelân - de Kalkman - Rif - Skiermûntseach - Simenssân - Rottumerplaat - Rottumereach - Suderdúntsjes
Eastfryske eilannen:
Boarkum - Kachelotplate - Lütje Hörn - Memmert - Júst - Norderney - Baltrum - Langereach - Spikereach - Wangereach - Minsener Each - Mellum
Noardfryske eilannen:
Helgolân - Jongnammensân - Knyp - Japsân - Sudereachsân - Noardereachsân - Noardstrân - de Halligen - Pälweerm - Oomram - Feer - Uthörn - Söl - Koardesân - Jordsân - Romeach - Mandeach - Faaneach - Langli
Ferdwûn: Bant - Bosk - Buise