Pogum
Pogum (Platdútsk: Poom) is in doarp in it Dútske Reiderlân, yn de gemeente Jemgum, de Nedersaksyske lânkring Lier yn East-Fryslân. Oant 1973 wie it in selsstannige gemeente.
| Pogum | ||
| ||
| Polityk | ||
| Lân |  Dútslân
| |
| Dielsteat |  Nedersaksen
| |
| Lânkring |  Lier
| |
| Gemeente |  Jemgum
| |
| Sifers | ||
| Ynwennertal | 205 (30 juny 2015) | |
| Oerflak | 4,75 km² | |
| Befolkingsticht. | 43 / km² | |
| Hichte | 1 m | |
| Oar | ||
| Postkoade | 26844 | |
| Koördinaten | 53° 19′ 6″ NB, 7° 15′ 31″ EL | |
Geografy bewurkje seksje
It doarp leit op de lofterouwer fan de Iems, krekt foardat er yn de Doalert mûnet. It doarp wurdt wol it Endje van de Wereld ('Ein fan de wrâld') neamd. Pogum hat 205 ynwenners (2015). It doarp leiyt foar de havenstêd Emden oer en hat sels in lyste haven. De útbuorren Dyksterhusen falt ûnder Pogum en leit besúdwesten Pogum.
In gemaal yn Pogum fersoarget de ôfwettering fan de polder besuden it doarp. Tichtby Pogum leit in boareilân yn de Doalert, dat brûkt waard foar gaswinning.
Pogum leit oan de Ynternasjonale Doalertrûte.
Skiednis bewurkje seksje
Pogum is in âld wierdedoarp op de ouwerwâl de Iems bylâns. De earste skriftlike fernijing (as Urapawengum) is fan 1367. Westlik fan Pogum, yn de Doalert, leit it ûnderstrûpte plak Uterapaum en de ek ferdwûne delsetting Torum. Eartiids wie it plak ek bekend as Pawing, Pauwing en Paum. Yn de midsiuwen hearde Pogum oan it bisdom Münster en foel ûnder it dekanaat Hatzum, alias Nes. De tsjerke fan no waard yn 1776 boud. De tsjerke fan Pogum hat twa grêfstiennen út de 11e iuw dy't as de âldste fan East-Fryslân jilde. De tsjerke wurdt brûkt troch de evangelysk-luterske gemeente (Pogum is oerhearskjend lutersk). De frijsteande toer is noch jonger as de tsjerke. It oargel datearret út 1758/59 en is boud troch de Osnabrückse oargelbouwer Johann Adam Berner. Tsjerke en toer steanne op it heechste punt fan de terp (pleatslik: warft). Yn 1962 moast in tal huzen benoarden de tsjerke wike foar in nije dyk. Dêrfandinne is de radiale struktuer fan it doarp oantaasd en stiet de tsjerke net langer yn it midden fan it doarp.
Kultuer bewurkje seksje
Om de twa jier wurdt der yn Pogum it doarpsfeest holden. Tagelyk mei it doarpsfeest wurdt in baaikûperace oan it Sieltief holden. De baaikûpen wurde sa opmakke en dekorearre dat de ûnderlizzende baaikûp sels net mear te sjen is.
Eltse jier wurdt it slykslydzjen organisearre ûnder it biedwurd Up de Spör van de Dullartfiskers (op it spoar fan de Doalertfiskers).
It doarpsbelang Pogum-Dyksterhusen e.V. hat it behear oer it doarpshûs oan it Sieltief en organisearret in tal aktiviteiten troch it jier hinne.
Sjoch ek bewurkje seksje
Keppeling om utens bewurkje seksje
- Beskriuwing fan Pogum yn de histoaryske doarpsdtabank fan it Ostfriesische Landschaft
| Boarnen, noaten en/as referinsjes: |
|
Foar oare boarnen, sjoch Einzelnachweise op dizze side. |
|
| |
|---|---|
| Haadplak: Jemgum | |
| Doarpen: Böhmerwold • Critzum • Ditzum • Hatzum • Holtgaste • Marienchor • Midlum • Nendorp • Oldendorp • Pogum | |