Scherpenheuvel-Zichem

Scherpenheuvel-Zichem (Frânsk: Montaigu-Zichem) is in gemeente yn de Belgyske provinsje Flaamsk-Brabân. De gemeente ûntstie yn 1977 troch in fúzje fan de gemeenten Averbode, Kaggevinne, Messelbroek, Scherpenheuvel, Testelt en Zichem.

Scherpenheuvel-Zichem
Us Leaffrouwebasilyk fan Scherpenheuvel
Us Leaffrouwebasilyk fan Scherpenheuvel
Emblemen
               
Polityk
Lân Belgje
provinsje Flaamsk-Brabân
Sifers
Ynwennertal 23.375 (2022)
Oerflak 51,15 km² km²
Befolkingsticht. 457 ynw./km²
Hichte 44 m.
Oar
Postkoade 3270-3272
Koördinaten 50° 58' N 4° 58' E
Offisjele webside
www.scherpenheuvel-zichem.be
Kaart
Scherpenheuvel-Zichem (Belgje)
Scherpenheuvel-Zichem

Gemeenteyndieling bewurkje seksje

Sûnt de fúzje fan 1977 bestiet de gemeente Scherpenheuvel-Zichem út de dielgemeenten Averbode, Kaggevinne, Messelbroek, Scherpenheuvel, Testelt en Zichem. By de dielgemeente Scherpenheuvel heart ek it doarp Schoonderbuken en by Zichem de doarpen Keiberg en Okselaar.

Dielgemeenten bewurkje seksje

# Namme Oerflak/km² Ynwennertal
(2022)
Ynwenners/km²
1 Averbode 9,19 3.463 377
2 Messelbroek 5,80 1.955 337
3 Scherpenheuvel 13,44 8.439 628
Scherpenheuvel (kern) 5,59 6.071 1.086
Schoonderbuken 1,29 1.473 1.142
Kaggevinne 6,56 895 136
4 Testelt 6,76 3.115 461
Testelt (kern) 4,07 2.007 493
Ter hoeve 2,69 1.108 412
5 Zichem 15,95 6.544 410
Zichem (kern) 9,53 3.031 318
Keiberg 4,05 2.343 579
Okselaar 2,38 1.170 491

It besjen wurdich bewurkje seksje

De gemeente is fral bekend fanwegen de roomske beafearttsjerke Us-Leaffrouwebasilyk fan Scherpenheuvel. Oarspronklik wie Scherpenheuvel in útbuorren fan it oanbuorjende Zichem (foarhinne Sichem), mar nei't yn de 17e iuw de beafeart foar in grutte stream pylgers soarge, soe Scherpenheuvel Zichem oermânsk wurde. Scherpenheuvel waard om de yn de 17e iuw stifte en wijde barokke Us-Leaffrouwebasilyk boud. Yn 1922 ferliende de paus de tsjerke de earetitel basilica minor. De basilyk is it sintrum fan ien fan de drokst besochte beafeartsplakken yn it lân.

Oan de noardlike râne fan Averbode, in dielgemeente fan Scherpenheuvel-Zichem en sân kilometer noardlik fan Scherpenheuvel, leit de ferneamde premonstratinzerske abdij fan Averbode.

De Flaamske skriuwer Ernest Claes sette it plak Zichem mei in tige libbene omskriuwing op 'e kaart yn syn skelmeroman "De Witte". Yn Zichem stiet syn byld foar de Sint-Eustachiustsjerke mei op syn skouders de haadpersoan út syn roman.

De brede delte fan de Demer foarmet tusken Testelt, Zichem, Averbode en Diest it natoergebiet Demerbroeken.

Ofbylden bewurkje seksje

  Ofbylden dy't by dit ûnderwerp hearre, binne te finen yn de kategory Scherpenheuvel-Zichem fan Wikimedia Commons.