Swartwjukkardinaal

De swartwjukkardinaal of skarlakenkardinaal (Piranga olivacea) is in sjongfûgel út de famylje kardinaalfûgels (Cardinalidae). De soart waard foar it earst wittenskiplik beskreaun troch Gmelin yn 1789.

Swartwjukkardinaal
Mantsje. Wyfke.
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje kardinaalfûgels ( Cardinalidae) skaai piranga's (Piranga)
soarte
Piranga olivacea
(Gmelin, 1789)
net bedrige
ferspriedingsgebiet
wintergast      simmerfûgel      trekfûgel

Beskriuwing

Mantsje yn prachtkleed.

De swartwjukkardinaal is in middelgrutte sjongfûgel en krekt de lytste fan 'e fjouwer soarten fan it skaai dat noardlik fan 'e Meksikaanske grins briedt. Se wurde 16 oant 19 sm lang en ha in spanwiidte fan 25 oant 30 sm. Mantsjes binne djip read mei swarte wjukken en in swarte sturt. Wyfkes binne gieleftich op 'e ûnderkant en fan boppe oliifgrien, mei oliifgielige wjukken en sturt. Winterdeis hat it mantsje deselde kleuren as it wyfke, mar de wjukken en sturt bliuwe donker.

Fersprieding

It briedgebiet leit yn it eastlike diel fan 'e Feriene Steaten en it uterste súdeasten fan Kanada. De oerwinteringsgebieten lizze yn Súd-Amearika. Se libje yn boskgebieten, beboske gebieten, parken of tunen.

Hâlden en dragen

Nettsjinsteande de felle kleuren is de fûgel dreech yn 'e beammen waar te nimmen, dêr't se nei beien, fruchten, ynsekten, spinnen en slakken sykje.

Yn 'e briedtiid komt it wyfke in pear dagen nei de mantsjes yn it briedgebiet oan, dêr't it mantsje syn territoarium yn 'e beammen ôfset hat en op it wyfke wachtet. As it wyfke yn 'e buert komt set it mantsje útein te sjongen om it wyfke út te noegjen. Yn in hege beam boud it wyfke it nêst en leit dêr trije oant fiif aaien, dy't yn likernôch trettjin dagen útbret wurde.

Status

De fûgel wurdt troch de IUCN as net bedrige (LC, 2016) klassifisearre. Oannommen wurdt dat de populaasje stabyl is.

Boarnen, noaten en referinsjes

Boarnen, noaten en/as referinsjes:

Birdlife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Swartwjukkardinaal fan Wikimedia Commons.