Augustinitsjerke (Stynsgea): ferskil tusken ferzjes

De oarspronklik oan [[Augustinus]] wijde tsjerke waard likernôch healwei de 15e iuw boud oan in âldere toer út de 13e iuw. It wiene nei alle gedachten de muontsen fan it [[Kleaster Jeruzalim (Gerkeskleaster)|kleaster Jeruzalim]] út [[Gerkeskleaster]] dy't de tsjerke bouden. Letter fûn der in ferheging fan it [[Skip (tsjerke)|skip]] plak, itjinge te sjen is oan it feit dat de nok fan it tsjerkedak oant de kloksgatten fan de toer rikt. It [[gotyk|gotyske]] gebou hat spitsbôgeramen en steunberen en wurdt eastlik ôfsletten troch in rjocht [[Koer (tsjerke)|koer]] mei trije ramen, werfanwêrfan't de twa bûtenste ramen ticht sitte. Yn de geveltop fan it koer sitte nochris trije bline nissen. Oant 1895 hie de toer in [[sealtek]], dy't doe ferfongen waard troch in ynsnoerde spits.