West-Firginia: ferskil tusken ferzjes

Yn [[1774]] late [[John Murray, 4e greve fan Dunmore]], de Britske [[gûverneur]] fan 'e koloanje Firginia, in [[leger]]macht dwers troch West-Firginia hinne om yn 'e saneamde [[Oarloch fan Dunmore]] tsjin 'e [[Sjâny (folk)|Sjâny]] yn [[Ohio]] te fjochtsjen. In [[milysje]] ûnder [[kolonel]] [[Andrew Lewis (militêr)|Andrew Lewis]], dy't diel útmakke fan dat leger, fersloech de Sjâny ûnder harren [[opperhaad]] [[Maïsstâle]] yn 'e [[Slach by Point Pleasant]], op it plak derdêr't de rivier de [[Kanawha (rivier)|Kanawha]] útmûnet yn 'e [[Ohio (rivier)|Ohio]]. By it [[Ferdrach fan Camp Charlotte]], dat in ein makke oan 'e [[oarloch]], joegen de Sjâny alle lân yn West-Firginia op dêr't se noch oanspraak op makken. Tsjin [[1776]] wie it lykwols fannijs oarloch mei de Sjâny, dy't har doe by de [[Sjeroky (folk)|Sjeroky]] joegen. Oerfallen tusken Yndianen en blanke kolonisten giene troch oant nei de [[Amerikaanske Unôfhinklikheidsoarloch]] ([[1774]]-[[1783]]).