Koeweit makke fan ôf de [[8e iuw]] part út fan it [[Abbasidenryk]]. Letter waard it opnommen yn it [[Ottomaanske ryk]] ([[16e iuw]]), derdêr't lang om let ek in foarm fan selsstannigens krige yn de foarm fan in prinsdom. De tsjinwurdige hearskjende famylje stamt fan ien fan dizze prinsen, [[sjeik]] [[Sabah al-Awwal]] ôf, dy't hearske fan [[1756]] oant [[1772]].
Yn [[1899]] tekene de doetiidske prins, sjeik [[Mubarak (Koeweit)|Mubarak]], in ferdrach mei de [[Feriene Keninkryk|Britten]], derdêr't troch it in Britsk [[protektoraat]] waard. Yn [[1914]] erkende de Britske oerheid Koeweit as in ûnôfhinklik lan, mar wol ûnder Britske proteksje. Yn [[1961]] waard Koeweit folslein ûnôfhinklik. Yn de tuskentiid hie de ûntdekking fan [[ierdoalje|oalje]] ta in grutte rykdom laat. Dit luts in protte [[gastarbeider]]s oan, dy't gjin [[steatsboargerskip]] krije kûnen.
Alhoewol't it lân in bûnsmaat wie fan [[Irak]] tidens de [[Irak-Iran oarloch]], waard it troch Irak beset en op [[2 augustus]] [[1990]] anneksearre. De besetting wie it begjin fan de [[Golfoarloch|Golfoarloch fan 1990-1991]], derdêr't Koeweit yn jannewaris 1991 troch in ynternasionale koalysje ûnder lieding fan de [[Feriene Steaten]] befrije waard.
