In '''misdie''' of '''misdied''' is in algemiene term foar it brekken fan 'e [[wet]]. As men dêrby trappearre wurdt, kin dat liede ta jins [[arrestarrestaasje]]aasje troch de [[plysje]] en jins [[rjochtsaak|feroardieling]] troch in [[rjochter]]. Immen dy't in misdie begiet is in '''misdiediger''' of in '''krimineel''' (fan it [[Latyn]]ske ''criminalis'', in [[ferbûging (taalkunde)|ferbûging]] fan ''crimen'', "misdie"). De term 'misdie' kin rom definiëarre wurde as in [[strafber feit]] of in [[delikt]], mar ferskilt fan [[lân]] ta [[lân]] justjes yn 'e presize betsjutting. Hoewol't 'misdie' gauris trochinoar helle wurdt mei '[[misdriuw]]', is dat lêste yn it [[Nederlân]]ske [[strafrjocht]] eins spesifyk in relatyf swier strafber feit. Yn Nederlân wurdt 'misdie' sûnt [[1886]] net mear as [[rjocht|juridyske term]] brûkt, mar yn bygelyks [[Belgje]] is dat noch wol it gefal. De term 'de misdie' wurdt fierders ek as [[synonym (taalkunde)|synonym]] foar [[kriminaliteit]] brûkt. De [[tûke (betsjuttingsside)|tûke]] fan 'e [[wittenskip]] dy't ûndersyk nei misdieden en misdiedigers docht, is de [[kriminology]].
