Op 20 jannewaris 2013 waard de tsjerke nei hast 90 jier tsjinst dien te hawwen troch biskop [[Gerard de Korte|De Korte]] oande delêste earetsjinstmisse ûntlutsenholden. Alhoewol't der yn 2016 noch mear dan 70 hûshâldings ferbûn wiene oan de Wiro-tsjerke, sochten de eigen parochianen fanwegen in fermindere tsjerkegong en brek oan frijwilligers sels in oplossing foar de pastorale swierrichheden. Mei it sluten fan de tsjerke binne de parochianen tsjerklik wer ferbûn mei de tsjerke fan [[Wytgaard]]. De tsjerke is ferkocht en sil ferboud wurde ta wente. It alter en it doopfont gyng nei de weropboude [[Sint-Klemenstsjerke (Nes)|Klemenstsjerke]] op it [[Amelân]]. It oargel fan de Sint-Wirotsjerke ferhûze nei [[Sint-Fitustsjerke (Blauhûs)|Blauhûs]], dêr't it as koeroargel ynset wurdt. Nei [[Sint-Nikolaastsjerke (Sint-Nyk)|Sint-Nyk]] gyng in [[bychtstoel]]. Ek de roomske tsjerken fan [[Marije-Himelfearttsjerke (Wytgaard)|Wytgaard]] en [[Sint-Martinustsjerke (Wergea)|Wergea]] krigen dielen fan de ynrjochting fan de Wirotsjerke.<ref>[https://www.easterwierrum.nl/einde-fan-kommisje-fan-behear-h-wiro-tsjerke/ Doarpsside Easterwierrum: Ein fan Kommisje fan Behear Hillige Wirotsjerke]</ref>
Op 20 jannewaris 2017 waard de parochytsjerke ferkocht oan partikulieren, dy't de tsjerke ferbouwe sille ta wente. Nammens it bisdom waard troch de diosesane administrator in dekreet tekene, wêrmei't de tsjerke offisjeel oan de earetsjinst ûntlutsen waard. De pastorij waard lykwols net ferkocht.<ref>[https://www.sintvitusparochie.nl/ontstaansgeschiedenis-sint-vitus-parochie/parochies-om-de-zuid/eigendomsoverdracht-heilige-wiro-easterwierrum/ Sint-Vitusparochy]</ref>
