Feriene Keninkryk: ferskil tusken ferzjes

It Feriene Keninkryk is in eilanneryk. Njonken it eilân sels heart [[Noard-Ierlân]], in part fan it eilân [[Ierlân (eilân)|Ierlân]], ta it keninkryk. Om dizze grutte eilannen hinne leit noch in ferskaat fan oare eilannegroepen en eilannen dy't ek ta it ryk hearre. Yn it noarden lizze trije grutte eilannegroepen: [[Sjetlâneilannen|Sjetlân]], de [[Orkaden]] en mear nei it westen de [[Hebriden]]. Ticht by de Hebriden, mar oan de oare kant van [[Kintyre]], leit it eilân [[Arran]]. Yn de Ierske See leit it eilân [[Man (eilân)|Man]], en ticht by de kust fan Wales lizze [[Angelseach]] en it lytsere [[Hillich Eilân]]. Yn it [[Kanaal fan Bristol]] leit [[Lundy]], foarby de súdwestpunt fan [[Cornwall]] lizze de [[Skorels]], en oan de súdkust fan Ingelân leit it eilân [[Wight]]. Foar alle kusten lizze ek noch lytsere eilantsjes; it Feriene Keninkryk hat mear as tûzen lytse eillannen.