Moassen: ferskil tusken ferzjes
Content deleted Content added
L →Stamme-opbou: red |
bs |
||
Rigel 41:
| beskriuwer, jier = Schimper, 1836
}}
De '''moassen''' of '''blêdmoassen''' ([[Latyn]]ske namme: ''Bryophyta'') foarmje in [[stamme (taksonomy)|stamme]] fan it [[ryk (taksonomy)|ryk]] fan 'e [[planten]] (''Plantae'') en it [[ûnderryk]] fan 'e [[lânplanten]] (''Embryophyta''). It binne oer it algemien lytseftige, [[blom]]leaze, [[krûdeftige plant]]en dy't deun opinoar groeie yn matten of kjessens op beskade of fochtige plakken, op 'e [[grûn]], op [[rots]]en of as [[epifyten]] op 'e [[stam (beam)|stammen]] fan [[beam]]men. Se binne yn 'e regel 1-10 sm lang, hoewol't in diel folle langer is, lykas de [[dawsonia (plant)|dawsonia]], de heechste [[soarte]] moas op 'e wrâld, dy't wol 50 sm heech wurde kin.
Moassen binne almeast griene planten, gauris mei sawol in [[stâle (plant)|stâle]] as struktueren dy't op [[blêd (plant)|blêden]] lykje (mar as it derop oan komt gjin echte blêden binne). Se hechtsje har mei [[rizoïde]]n (woarteleftige struktueren), mar beskikke net oer echte [[woartel (plant)|woartels]]; rizoïden wurde, oars as echte woartels, net brûkt foar it opnimmen fan fiedingsstoffen út 'e ûndergrûn. Fierders hawwe se ek gjin wier systeem fan fetten foar it transport fan [[wetter]] en fiedingsstoffen, sa't de [[faskulêre planten]] (''Tracheophyta'') dat hawwe. Ek produsearje se gjin [[sied (plant)|sied]], mar plantsje se har fuort mei [[spoar (plant)|spoaren]], krekt sa't [[rintfearren]] (farens) en [[poddestuollen]] dat dogge.
| |||