Yn werklikheid wie it ien fan de ferskate hannelsposten dy't de Fenysjers yn it Middellânske Seegebiet stiften. Kartago ûntwikkele him hurd ta in wichtige seemacht yn it westlik bekken fan de [[Middellânske See]], dy't it allinnichrjocht opeaske oer de seehannel.
De Fenysjers neamdennamen harren taal [[Fenisysk]], dat in [[Kanaänityske talen|Kanaänityske taal]], dy't wer in part fan de [[Semityske talen|Semityske talekloft]] wie, mei nei harren koloanjes. It Fenisysk dat yn de koloanjes yn it westlike Middellânske Seegebiet sprutsen waard, waard [[Punysk]] neamd, dat himsels letter ta in selsstannige sprake ûntjoech. [[Taalkundige]]n binne it der net alhiel oer iens oft it Punysk as in selsstannige taal of as in [[dialekt]] fan it Fenisysk beskôge wurde moat. Mar it [[Punysk skrift]] ûntjoech him fan it [[Fenisysk alfabet]] en de útspraak fan guon letters feroare ek.
