Klonen: ferskil tusken ferzjes

Klone wurdt al iuwen dien by [[planten]]. It giet dan om planten of [[gewaaks]]en dy’t [[fegetative fermeardering|fegetatyf fermeardere]] wurde troch it [[Oflizzen (planten)|ôflizzen]], [[stekke]]n, [[intsje]]n of [[okulearje]]n. Ek it fermearderjen fan [[bolgewaaks]]en of [[stâle (plant)|stâle]]- en [[woartel (plant)|woartelknollen]], lykas by [[titelroas|titelroazen]] en [[ierdappel]]s, is te beskôgjen as it klonen fan in gewaaks.

 

 

De moderne technyk om te klonen is '''kearntransplantaasje'''. Dizze technyk wurdt ek wol ‘Somatic cell nucleus transfer’ (SCNT) neamd. Dêrby wurdt de kearn fan in sel fan de genetyske âlder yn fytro ynbrocht yn in ûntkearne [[aaisel]], dy’t dêrnei yn de [[limoer]] fan in ''draachmem'' brocht wurdt. Op dy wize is de [[fuortplanting (biology)|fuortplanting]] troch [[geslachtssel]]len omsyld. Al it erflike materiaal fan de kloon komt fan ién âlder. De earste dy’t dy technyk útstelde wie [[Hans Spemann]], hoewol’t er dy sels nea útfierd hat.