Claudy Jongstra: ferskil tusken ferzjes

Content deleted Content added
Tulp8 (oerlis | bydragen)
Side makke mei "{{wurk}} {{Keunstner | ôfbylding = Into the library Openbare Bibliotheek Amsterdam.jpg | ôfbyldingstekst = Wurk fan Claudy Jongstra oan de muorr..."
(Gjin ferskil)

De ferzje fan 29 jun 2021 om 10.24

Claudy Jongstra (Roermond, 6 febrewaris 1963) is in Nederlânske keunstneresse-tekstylûntwerper.

Oan dizze side wurdt noch wurke!

Fier hjir asjebleaft gjin bewurkings út
oant de skriuwer mei de side klear is.



Claudy Jongstra
keunstner
Wurk fan Claudy Jongstra oan de muorre fan de yntree fan de Iepenbiere Bibleteek Amsterdam
Wurk fan Claudy Jongstra oan de muorre fan de yntree fan de Iepenbiere Bibleteek Amsterdam
persoanlike bysûnderheden
nasjonaliteit flagge fan Nederlân Nederlânsk
berne 6 febrewaris 1963
berteplak Roermond
wurkpaad
wurksum as keunstner op ferskaat mêd, lektor
streaming tekstylûntwerper
offisjele webside
http://www.claudyjongstra.com
Detail fan de wandbeklaaiing yn de Iepenbiere Bibleteek Amsterdam

Claudy Jongstra hat moadefoarmjouwing studearre oan de Hegeskoalle foar de Keunsten yn Utert (1982-1989). In skaaimerk fan har wurk is it brûken fan wol dy't op ambachtlike wize ferfilte wurdt. Claudy Jongstra hat it hiele produksjeproses al sûnt de jierren '90 yn eigen hân en sa ticht mooglik by hûs hâlde wold. Se fynt har ynspiraasje gewoan troch mei har fuotten yn de klaai te stean. De kymkrêft fan de boaiem foarmet de kearn fan har wurk. Har duorsume lytsskalige produksjeproses stiet foarop, se wol sa min mooglik fuotprinten efterlitte. Mei respekt foar de en op basis fan lokale produkten en tradisjonele ambachten. Jongstra hat ynteresse yn ambachtlike produksjemetoades, yn griene materialen en duorsume wurkwizen en omtinken foar leefberheid, bioferskaat en lytse mienskippen. Troch werom te gean nei de oarsprong fan wol, weevjen en kleur, lit Jongstra har publyk neitinke oer de wikselwurking tusken minsk en natoer. Sa komt de wol fan in eigen kudde fan 200 Drintske heideskiep yn het Fryske Spannum, en foar de plantaardige kleurstoffen is in hiemtún opsetten. Troch it ferkeapjen fan har eigenbakte bôle krijt se in bân mei de Spannumers. Foar projekten as de produksje fan eigen parfum of fan spikerbroeken freget se de boeren om de rânen fan de ikkers yn te siedzjen mei sinneblommen.

In grutte opdracht oan it begjin fan har karriêre wiene de stoffen foar de Jedi yn de Star Wars Episoade I. Jongstra hat dêrneist stoffen makke foar Alexander van Slobbe, Maarten Baas, Hella Jongerius, John Galliano, moadeûntwerper Christian Lacroix en Donna Karan. Letter hat Jongstra har talein op wandfoljende autonome keunstwurken foar de oanklaaiing fan gebouwen, lykas it Frysk Museum, it Provinsjehûs yn Ljouwert, de Iepenbiere Bibleteek Amsterdam en yn de neiste takomst it Museum of Modern Arts yn San Francisco.

It wurk fan Claudy Jongstra is opnomd yn ferskate kolleksjes, ûnder oare it Steedlik Museum Amsterdam, it Ryksmuseum, it Victoria & Albert Museum en it Museum of Modern Art.

Claudy Jongstra waard keazen ta Keunstner fan it Jier 2019. [1]

Autonome wurken (karút)

  • 2013: Skulptuer Frysk Lânskip, yntreehal Frysk Museum
  • 2012: Mother of Pearl, haadgebou en restaurant Barnes Museum Philadelphia
  • 2010: Keunstynstallaasje North Wall Atrium, Lincoln Center New York
  • 2007: Wandbespanning, yntree Iepenbiere Bibleteek Amsterdam
  • 2005: Wandbespanning, restaurant Keunsthal Rotterdam
  • 2004: Wandtapyt, Nederlânske ambassade yn Berlyn
  • 2003: Mother of Pearl en Blue silver, damessalon en ytkeamer Catshûs

Tentoanstellings

  • 2011: Tentoanstelling haadkertier Feriene Naasjes New York
  • 2007: Dielname Arsjitektuer Biënnale Sao Paulo
  • 2006: Jubileumeksposuysje, Tekstylmuseum Tilburg

Prizen

  • 2018: Keunstner fan it Jier 2019
  • 2008: Prins Bernhard Kultuerfûns, Priis foar Byldzjende Keunst
  • 2005: Vredeman de Vries-priis
  • 2005: Amsterdampriis foar de Keunst

Boarnen, noaten en referinsjes

Boarnen, noaten en/as referinsjes:

<references?>

  1. Kunstenaar van het jaar 2019