F.F.J. Bernlef

Feriening foar Fryske Jongerein Bernlef yn Grins. FFJ Bernlef is yn 1925 oprjochte as in Studinteselskip foar Fryske Stúdzje, mei as doel it behâld en it befoarderjen fan it Frysk eigene ûnder de Fryske studinten yn Grins. Tsjintwurdich draait it by Bernlef foaral om de geselligens. It Frysk is de binende faktor foar in grut ferskaat, soms fier útienrinnende types fan minsken. Bernlef hat in iepen karakter, wat ta útdrukking komt yn it feit dat der gjin ‘ontgroening’ is, en ek gjin foarm fan oare ferplichte yntroduksje.

Foar mear ynformaasje kinne jo sjen op de webside fan Bernlef.