Worp van Peyma

Worp van Peyma ( Ternaard, 1795 - Lancaster, 1881 ) wie in boer dy't him dwaande hâlde mei wetterbou. Hy benaderde praktyske fraachstikken ek teoretysk. Van Peyma skreau oer seedefinsje en bestudearre it Middelseeprobleem en de oansluting fan It Amelân op de fêste wâl. Foar Roelof Hessels Hommema makke hy wurktúchkundige berekkeningen.

Neidat der yn 1845 slimme jirpelsykte hearske en de ynkomsten minder waarden emigrearde de liberaal Van Peyma yn 1849 nei de Feriene Steaten.

Boarnen, noaten en referinsjes

Boarnen, noaten en/as referinsjes:

Brouwers, J.H., J.J. Klama, W. Kok, en M. Wiegersma, red. - Ensyklopedy fan Fryslân, (Amsterdam: Elsevier, 1958) Peyma, Worp van.