LAB: ferskil tusken ferzjes

Oprjochter wie Frans Kimp, dy 't fan 1920 ôf mei ien bus groepsferfier fersoarge en yn linetsjinsten starte fan Ljouwert nei [[Holwert]] (yn oansluting op de [[fearboat]] nei [[It Amelân]]) en [[Snits (stêd)|Snits]]. Der kamen twa kompanjons by, sadat de firma yn 1927 ''Kimp, De Waard & Boontje'' hjitten gie, mar al gau waard de namme ''Ljouwerter Auto Bedriuw'') brûkt. Oprjochter Kimp ferliet it bedriuw yn 1929.

 

 

Troch LAB-gebiet ried nei de iepening fan de [[Ofslútdyk]] ek de busline fan [[Nederlânske Spoarwegen|NS]]-[[dochterûndernimming]] [[Algemiene Transport Undernimming|ATO]] fan Ljouwert oer Harns nei [[Alkmaar]] mei in sydtûke fan [[It Hearrenfean (plak)|It Hearrenfean]] oer Snits. Nei de [[Twadde Wrâldoarloch]] waarden dizze linen, ûndanks protest fan de LAB, oerdroegen oan twa oare NS-dochters, NTM en [[Nederlandsche Auto Car Onderneming|NACO]], dy't dêrmei twa haadferbiningen binnen it oan de LAB tawiisde ferfiersgebiet hienen.

Yn de jierren nei de oarloch konsolidearre him de posysje fan de LAB en fersoarge dit bedriuw fanút festigingen yn Ljouwert en [[Boalsert (stêd)|Boalsert]] de linetsjinsten mei ûngefear 35 autobussen en 65 personielsleden. Dêrneist wie de LAB ek aktyf as [[touringcar]]bedriuw en hie him - mei de oare Fryske ferfierders NTM, NOF, [[Autobedriuw "De Súdwesthoeke"|ZWH]] en [[Ljouwerter Autobus Undernimming|LABO]] - oansluten by de reisorganisaasje ''Cebuto''.

 

 

Hjoed-de-dei (2007) wurde alle eardere LAB-linen eksploitearre troch [[Connexxion]], dat de [[oanbesteding]] wûn fan de foarrige [[konsesje (fergunning)|konsesjehâlder]] [[Arriva]].