Hantum: ferskil tusken ferzjes

[[Ofbyld:Map NL Dongeradiel Hantum.png|thumb|300px|right|de [[himrik]] fan Hantum]]

'''Hantum''' is in doarp yn it westen fan de gemeente [[Dongeradiel]] mei sa'n 380 ynwenners. It is it kearndoarp fan de trije doarpen [[Hantumhuzen]], [[Hantumerútbuorren]] en [[De Lytse Jouwer]], mar it hat gjin winkelfoarsjennings mear.

 

De namme kin tsjutte op ''hiem fan Hante'', fan ''Hana'' of ''Hund''. Oaren gean der fan út dat wy tinke moatte oan it [[Aldfrysk]]e wurd ''hä'', yn it hjoeddeisk Frysk ''hea''.

 

De tsjerke moat yn de [[12e ieu]] boud wêze. It sizzen is dat in Utertske [[wijbiskop]] der yn 1335 in alter ynwijd hat. De patroanhillige wie [[Martinus fan Toers|Sint Marten]]. Dat soe der op wize kinne dat Hantum in bân hie mei de biskop fan [[Utert (stift)|Utert]]. Sint Marten wie ek de [[patroanhillige]] fan bisdom Utert.

 

De foarse toer is boud yn [[1808]], by in feroaring fan it westwurk.

 

Oan de noardwest kant fan it doarp stiet Kinnema sate. De foarein is boud yn de styl fan in deftige boargerswenning. De gong rint yn it midden en der binne treppens foar it hûs.

In frjemde ein yn it byt is de stûpa, dy't yn [[1993]] der kommen is. De stûpa is boud yn de styl fan in Tibetaanske timpel. Hy stiet op it eardere plak fan in pleats. Dy is oan in boeddistyske organisaasje skonken. De stûpa wurdt brûkt as boeddistysk besinnings- en meditaasjesintrum. Der wurdt hieltyd mear útwreide. De lieding is yn hannen fan in útwykte Tibetaanske [[muonts]].

Hantum hat yn [[1862]], frij let, in mûne krige. De mûne is yn [[1789]] as 'De Rooseboom' yn [[Huzum]] boud. Doe't it stasjon yn [[Ljouwert]] útwreide waard, is de mûne ôfbrutsen en yn Hantum wer opboud.

 

Om [[1930]] hinne gie de mealder oer ta it meitsjen fan [[lynkoeke]]n. Om net hielendal ôfhinklik fan de wyn te wêzen, hat er in [[dieselmotor]] oanskaft.

Yn [[1949]] hat der in swiere stoarm yn Hantum west, dy't noch al wat skea oanrjochte hat. Fan de mûne wie de kap der ôfwaaid. De mealder hat doe de romp ynkoarte en is fierder gien mei syn dieselmotor.

 

*[[1954]] - 510

*[[1959]] - 484

*[[1973]] - 407

*[[2006]]? - 380

Mei Hantumerútbuorren hat Hantum ien Feriening Doarpsbelang. It doarpsblêd foar Hantum – Hantumhuizen – Hantumeruitburen – Hiaure (De Lytse Jouwer) hjit Hichtepunten. De sportfjilden hjitte "Yn 'e bedelte",

 

* Skaakclub Hantum

* [[DTL]] - kuorbal

*Klún & Knoffelhakke is in kabaretduo út Hantum

 

[[Brantgum]]erwei, De Terpen, [[Dokkum]]erwei, Doarpsstrjitte, Fetzewei, Gruttesteech, Hearewei, [[De Lytse Jouwer|Hiausterwei]], Kennemareed, Master Beymastrjitte, Pastorijelân, Smidstrjitte, Stasjonswei, Stoepawei, [[Ternaard]]erwei, Titus Conradistrjitte, Tsjerkestrjitte.