Neffens ferskate wittenskippers is der in [[klimaatferoaring]] oan 'e gong, wêrtroch it hieltyd waarmer wurdt op [[ierde]]. Omdat grutte blokken iislâniis fan [[Grienlân]] en oar oan de NoardpoalIissee grinzjend lân yn see delstoarte en ferrane, komt der in protte swiet wetter yn it sâlte wetter. Ek grins fan it poaliis lukt him de lêste desennia slim tebek. Krekt troch it sâlt yn it wetter is it mooglik dat de Golfstream him mei faasje nei it noarden ta beweecht. De Golfstream rikt yn 'e takomst wierskynlik net mear ta it noarden fan de Atlantyske Oseaan, en dat hat grutte gefolgen foar it klimaat fan West-Europa. As it effekt fan de Golfstream hielendal fuort is, dan sille de temperatueren yn West-Europa omleech gean, wierskynlik in ferlykber klimaat as yn it suden fan [[Kanada]].
