[[Ofbyld:GulfofMexico3D.png|thumb|De Golf fan Meksiko yn 3D]]
De '''Golf fan Meksiko''' ([[Ingelsk]]: ''Gulf of Mexico'', [[Spaansk]]: ''Golfo de México'') is in [[see]] yn [[Noard-Amearika]]. Lannen oan de Golf fan Meksiko binne [[Meksiko]] (mei de dielsteaten [[Yucatán (steat)|Yucatán]], [[Campeche (steat)|Campeche]], [[Veracruz de Ignacio de la Llave|Veracruz]], [[Tamaulipas]]), de [[Feriene Steaten]] (fan east nei west: [[Florida|Florida]], [[Alabama]], [[Louisiana|Louisiana]], [[Mississippi|Mississippi]], [[Teksas|Texas]]) en [[Kuba]]. De Meksikaanske Golf beslacht likernôch 1.600.000 km². It djipste punt fan de Golf fan Meksiko is 4.384 meter, yn it ''Sigsbee Deep''. De see hat in rûne ovale foarm en is fan west nei east likernôch 1.500 km lang. By de noard- en westkust binne boareilannen dy't nei oalje boare. De Golf fan Meksiko is troch de [[Strjitte fan Florida]] ferbûn mei de [[Atlantyske Oseaan]]. De [[Strjitte fan Yacatan]] set de Golf fan Meksiko yn ferbining mei de [[Karibyske See]]. It súdlike part fan de Golf fan Meksiko wurdt ek de [[Golf fan Campeche]] neamd. De belangrike rivieren dy't yn de Golf fan Meksiko einigje binne de [[Mississippy (rivier)|Mississippy]], de [[Rio Grande]] en de [[Río Grijalva]]. Wichtichste havenstêden binne [[Tampa (Florida)|Tampa]], [[New Orleans (stêd)|New Orleans]], [[Houston]], [[Tampico (Tamaulipas)|Tampico]], [[Veracruz (stêd)|Veracruz]] en [[Havana]]. De [[Golfstream]] ûntstiet yn de Golf fan Meksiko. Lannen om de Golf hinne wurde ek wol de Golfsteaten neamd (in namme dy't se ek brûke foar de lannen om de [[Perzyske Golf]] hinne). Yn de skipfeart wurdt de Golf fan Meksiko ek wol de US Gulf neamd.
