Korbulo: ferskil tusken ferzjes

'''Korbulo''' (''Folút: Gnaius Domitius Corbulo''; likernôch 7 - [[67]] n. Kr.) wie in [[Romeinen|Romeinsk]] befelhawwer ûnder de keizers [[Klaudius]] en [[Nero]]. Hy wie in healbroer fan [[Kaligula]]'s fjirde frou [[Caesonia]].

 

Korbulo makke yn it leger opgong as militêr. Hy troude mei Cassia Longina út in foarname Romeinske senatorsfamylje. Sy krigen twa dochters. De âldste [[Domitia Korbula]] troude mei de senator Lusius Annius Vinicianus. Harren twadde dochter [[Domitia|Domitia Longina]] waard letter keizerinne troch har houlik yn [[70]] mei de lettere keizer [[Domitianus]].

 

Letter wie Korbulo mei in protte súkses befelhawwer by ferskate militêre aksjes yn it Easten. Yn [[58]] fersloech er [[Tiridates]], oermastere [[Armeenje]] en ferwoeste de haadstêd Artaksata. Hy promovearre ta gûverneur fan [[Syrje]]. Yn [[67]] waard hy lykwols slachtoffer fan Nero syn paranoia. Hy krige opdracht him te melden yn [[Grikelân]], dêr't Nero op keunstreis wie. By syn oankomst yn Cenchreae, in haven fan de Grykske stêd [[Korinte]], waard er opwachte troch twa boadskippers mei it berjocht dat Korbulo himsels fan kant meitsje moast, wat er die troch him yn syn swurd falle te litten.

 

Korbulo skreau in ferslach oer syn aventoeren yn [[Lyts-Aazje]], dat ferlern gien is. Oare skriuwers as [[Publius Kornelius Tasitus|Tasitus]], [[Plinius de Aldere]] en [[Kassius Dio]] hawwe hjir wichtige ynformaasje út helle foar harren eigen skriften.

 

* [http://www.livius.org/do-dz/domitius/corbulo.html Korbulo]

* [http://www.livius.org/ga-gh/germania/corbulonis.html Grêft fan Korbulo]

 

 

[[bg:Гней Домиций Корбулон]]

[[fi:Gnaeus Domitius Corbulo]]

[[fr:Gnaeus Domitius Corbulo]]

[[hu:Cnaeus Domitius Corbulo]]

[[it:Gneo Domizio Corbulone]]