Ferskil tusken ferzjes fan "F.F.J. Bernlef"

119 bytes grutter ,  10 jier lyn
gjin bewurkingsgearfetting
'''FFJ Bernlef '''is in [[studinteferiening]] foar Fryske jongerein in Grins. De offisjele namme is FFJ Bernlef, dit stiet foar Feriening Foar Fryske Jongerein, Bernlef. Bernlef is in studinteferiening mei in sterke Fryske identiteit, dy oansletten is by de “Contractus”[[Contractus]] en de [[Federaasje fan Fryske studinteferienings]].
 
==Earste Jierren==
Begjin maart 1925 die Ruerd Heech in de doetiidske Universiteitskrante in oprop oan alle Fryske studinten yn [[Grins]]. It Grinzer studintekorps [[Vindicat Atque Polit]] hie doetiids al in dispút foar Fryske studinten, Frisia. Mar Heech tocht dat der belangstelling wie foar in net korporale Fryske studinteferiening. De earste gearkomste fûn plak op [[20 maaie 1925]]. Der wienen 6 mannen en 1 frou by oanwêzich. De earste jierren fan de feriening wienen dreech, it ledetal waard net echt grut, lyk as de aktiviteiten fan de feriening. Midden jierren ’30 gie it stadich oan better, de feriening waard grutter en der waarden in soad literêre en skiedkundige aktiviteiten hâlden.
 
==Twadde wrâld oarloch==
Yn it foarste jier fan de [[twadde wrâld oarloch]] mochten de leden fan Bernlef harren aktiviteiten trochsette fan de besetter. Hjir kaam yn 1942 feroaring yn. Alle aktiviteiten fan de feriening waarden stop setten, mar Bernlef gie yn it geheim troch mei harren aktiviteiten. Troch dat alles geheim wie, binne út dizze tiid net in soad dokuminten bewarre bleaun.
 
==Nei de oarloch==
Yn de jierren ’60 wie de “medyske praatrûnte ” ien fan de grutste faktor foar it yn stân hâlden fan Bernlef. Hoe dizze rûnte ûntstien is, ( in rûnte is fergelykber mei in Dispút) is net bekend, wol is bekend dat de leden neat mei medyske saken te dwaan hienen. Sy organisearren politike, literêre, en skiedkundige jûnen, wêr’t foaral oandacht jûn waard oan de Fryske taal en kultuer. Yn dizze tiid hie Bernlef noch gjin eigen pân, sadat de gearkomsten by minsken thús as oars yn kroegen organisearre waarden.
 
It Bernlef fan de jierren ‘70 wie bysûnder aktyf polityk en maatskiplik dwaande. Bernleffers strieden foar de Fryske saak, wêrby in grut oantal fan de leden foar de Fryske autonomy wienen. Dit kinst werom sjen yn it grutte oantal leden wat ek lid wie fan de [[FOKA]], de Fryske Organisaasje foar Kultuerele Autonomy. De FOKA organisearre in soad aksjes om minsken bewust te meitsjen fan de Fryske taal. Sa waarden yn begin jierren 70 telefoanboeken ferbaarnd foar it haadkantoar fan de PTT, omdat de doetiidse PTT de plaknammen net yn it Frysk yn it boek delsette woe.
 
==Eigen Pân==
 
==Jierren 80/90==
Wylst de jierren ‘70 by Bernlef yn it teken stienen foar Fryske kultuerele autonomy, waard de sfear rêstiger yn de jierren ‘80. De feriening feroare stadich oan yn in geselligensferiening. Dit barde net sûnder in soad diskusje. De feriening wie dan ek yn de jierren ‘80 yn twa groepen ferdield; minsken dy’t nei Bernlef kamen foar de Fryske stried en minsken dy’t nei Bernlef kamen om in lekker pilske oan de bar te drinken. De lêste groep minsken waard grutter, dit kaam ûnder oare troch de ynfiering fan de [[KEI wike]], it eigen pân en it feit dat in soad ôffalligen fan Frisia lid waarden by Bernlef.
 
==Kameleon film==
Ek al feroare Bernlef stadich yn in geselligensferiening, de Fryske identiteit is nea ferdwûn. Dit is werom te sjen troch in aksje, hâlden in 2003. Yn dat jier kaam de Hollânsktalige film [[“De Schippers van de Kameleon”]] regissearre troch [[Steven de Jong]] út. De leden fan Bernlef wienen fan betinken dat yn de film Frysk sprutsen wurde moast, omdat it ferhaal ommers ek yn Fryslân spilet. De leden besletten in parody te meitsjen, dit waard “De Kameleon Sjocht yn it Waar”. Yn de film spilen leden fan de feriening mar ek pommeranten sa as [[Piet Paulusma]], [[Jaap Nienhuis]], [[Ids Postma]] en [[Hans Wiegel]]. De film waard in grut sukses. Oeral yn Fryslân waard de film yn doarpshuzen en skoallen fertoand. Utjouwerij Kluitman wie echter fan betinken dat Bernlef mei it meitsjen fan de film ynbreuk makke hie op it auteursrjocht, en begûn in rjochtsaak tsjin FFJ Bernlef. De útspraak fan de rjochter kaam yn 2007: Bernlef moast oan de útjouwerij in skeafergoeding fan rom 10.000 euro betelje.
 
As reaksje op de útspraak hold Bernlef yn de simmer fan 2008 de Benefytsaksje Bernlef Yn Aksje (BYA). Trije dagen lang hat Bernlef in aksje hâlden yn [[Fryslân]]. De [[Alvestêdentocht]] waard ôflein op in Fytskafee, yn [[Frjentsjer]] waard in Fryske kenniskwis hâlden en in [[Dokkum]] koenen minsken stride om “de sterkste man” titel. De Benefytsaksje waard ôfsluten mei in benefytskonsert yn [[Snits]]. Oan dit konsert wurken ûnder oare [[Piter Wilkens]], [[Jitiizer]], [[Sebearre]], [[Ernst Langhout]] en [[Putkapel]] mei. De aksje hat hast genôch jild oplevere om it jild fan de boete werom te betelje. It lêste part fan de boete is opbrocht troch in optreden fan it bekende Fryske tonielstik [[“Katarsis”]], skreaun troch [[Gerrit Breteler]], op de sosjéteit fan Bernlef.
 
==Tsjinwurdich==
 
17de lustrum
Yn 2010 bestie Bernlef 85 jier. Fanwege dit jubileum waarden troch it hiele jier ferskate aktiviteiten organisearre. Sa hat Bernlef by bearenburchdistillearderij Weduwe Joustra harren eigen drankje meitsjen litte, mei de namme Bernlef’s Lok. Yn maart waard der in lustrumkongres hâlden, wêr artysten as [[Piter Wilkens]] en [[Gerrit Breteler]] spielden. [[Piter Wilkens]] hat foar it lustrum ek in ferske foar Bernlef skreaun, “Bernlef Boppe!”. It lustrumjier waard ôfsluten me de Lustrumwike yn april, wêryn’t in dokumintêre te sjen wie oer de skiednis fan 85 jier Bernlef.
 
 
5

bewurkings