Haersmastate (Drachten): ferskil tusken ferzjes

It bestek is bewarre bleaun yn it [[Frysk Museum]]. Yn de nijbou is materiaal út de yn 1841 ôfbrutsen [[Haersmastate (Aldegea)|Haersmastate]] yn [[Aldegea (Smellingerlân)|Aldegea]] ferwurke. Haersmastate is yn [[Klassisisme|klassisistyske]] styl oplutsen, in styl dy't wat as in neibloei fan de [[empirestyl]] beskôge wurde kin. It is in blokfoaarmich hûs, mei in leech [[Skyldkape|skyldtek]] en hoekskoarstiens. Yn de middenpartij fan de [[gevel]] sit boppe de yntree in troch [[Ioanyske oarder|Ioanyske]] pylders droegen balkon. Binnenyn is der in soad ferboud. Yn 1857 waard mr. [[Epeus Manger Cats]] [[boargemaster]] fan [[Smellingerlân]] en hy kaam yn it hûs fan syn broer te wenjen. Doe't hy yn 1868 ôftrede en nei [[Grins (stêd)|Grins]] gie, waard de state by in feiling ferkocht. Nei M.M. Cats waard de state tusken 1871-1881 bewenne troch [[Andries Pieters Pel]] en fan 1893 ôf wie de gemeente [[Smellingerlân]] eigener dy't de state tsientallen jierren ferhierd hat oan de [[Keninklike Maresjesee]]. Sûnt 2003 wurdt Haersmastate hierd troch HBD Bouwgroep bv.