Yn [[841]] waard it [[Fresia|hartochdom Fryslân]] oermastere troch de bruorren [[Rorik]] en [[Harald]], soannen fan de Deenske kening [[Anulo]], dy't earder de eilannen Wieringen (Rorik) en Walcheren (Harald) fan keizer [[Loadewyk de Fromme]] yn lynlien krigen hienen. De Frankyske keizer moast him der by dellizze dat Rorik oer Fryslân hearske ([[850]]). Yn dat jier waarden troch Deenske Wytsingen ek de wichtige stêden [[Dorestêd]] en [[Utert (stêd)|Utert]] plondere, wêrtroch de biskop fan Utert, [[Hunger]], útwike moast nei [[Dimter]]. Loadewyk stie machteleas hjir tsjinoer en besocht de Wytsinglieders oan him te binen troch grutte gebieten yn lien fuort te jaan. Sadwaande waard Rorik as [[Greve]] oer Fryslân beneamd. Yn [[885]] kaam in ein oan de oerhearsking fan Fryslân troch de Wytsingen mei de dea fan [[Godfried de Wytsing|Godfried]] dy't Rorik opfolge hie as Greve.
