Ada fan Skotlân

Ada fan Skotlân of Ada fan Huntingdon (Huntingdon, ± 1140/1146 – ?, 1204) wie prinsesse fan Skotlân en grevinne fan Holland. Hja wie in dochter fan Hindrik fan Skotlân, 3e greve fan Huntingdon en suster fan de Keningen Malcolm IV en William I fan Skotlân.

Op 28 augustus 1162 trouwe sy mei greve Floris III fan Hollân (1140 – 1190), dat hat wierskynlik yn Egmond west. Ut dit houlik waarden tsien bern berne, dêr't sân fan har jeugd oerlibben:

• Dirk, greve fan Hollân 1190-1203
• Willem greve fan Hollân 1203-1222
• Floris († 1210), elekt fan Glasgow 1202-1207
• Boudewyn († 1204)
• Ada († ± 1205); ∞ Otto I fan Brandenboarch
• Margaretha († ± 1203); ∞ Diederik V fan Kleef
• Agnes († 1228), abdis te Rynsburch

Ada bemuoide har net folle mei polityk en wurdt mar út en troch neamd. It is bekend dat hja latysk lêze koe. Ada stoar nei 1204 en is faaks bedobbe yn de Abdij fan Middelburch, dy't sy earder al £64 skonken hie.

Keppeling om utens

• Portret in Digitaal Frouljusleksikon fan Nederlân