=== Klaske Hiemstra, Frysk skriuwster, is berne op 24 febrewaris 1954 yn Vledder. As bern fan Fryske âlden groeide se twatalich op.
Se debutearre yn 1996 mei it ferhaal "Ït lân fan altyd snein" yn de bondel "De bok, it gouden aai en de sân ravens,in útjefte fan it Frysk Museum dêr't se in tredde priis mei wûn.
It duorre oant 2003 ear't dêr in ferfolch op kaam mei de bondel gedichten "De skaadfou".
Yn 2004 ferskynde de heal autobiografyske roman "Retoer Skylge" oer de byldzjende krêft fan it ûnderbewuste.
Yn 2006 seach "It rinnen fan Silke" it ljocht. It giet oer in studinte rjochten dy't yn Grins wennet as se heart dat har mem stjerrende is. Omdat se mei har gefoelens net goed omgean kin, wurdt it in tizeboel yn har holle. As se help siket, liket it goed te kommen.
"Eilânreis, in mearke lyjas "It lân fan altyd snein" der ek ien wie, giet oer in famke dat mei har geastlik handikapte suske en in freon in symboalyske reis makket om de mem te finen. Oan it ein blykt de nuvere reis út te kommen op in soad gesllichheid.
Sûnt 31 desimber 2009 is Klaske Hiemstra fêste kollumniste by de ynternetside fan de Ried foar de Fryuske Beweging, www.itnijs.nl ===
