Gerkeskleaster: ferskil tusken ferzjes

postkoade = 9873 |

webstee = [http://www.gerkesklooster-stroobos.nl www.gerkesklooster-stroobos.nl] |

'''Gerkeskleaster''' is in doarp yn it noardeasten fan de gemeente [[Achtkarspelen]], oan it [[Prinses Margrietkanaal]]. It doarp hat sa'n 827 ynwenners.

 

De doarpen lizze yn in [[klaai]]gebiet, dat it typyske karakter fan De Wâlden mist; hjir gjin dykswâlen, mar in iepen lânskip. De doarpen foarmje ien geheel. Oant [[1993]] waard it doarp Strobos trochsnien troch de grins mei de Grinslanner gemeente [[Grootegast]], dy't tagelyk ek de grins mei de provinsje [[Grinslân]] foarme. Omdat dit allerhande praktyske beswierren joech, is it Grinslanner diel fan Strobos nei Achtkarspelen oergien. De lizzing oan it [[Prinses Margrietkanaal]]/[[Van Starkenborghkanaal]] is al hiel lang fan grut belang foar dizze doarpen. De yndustry krige dêrfoar al gau in kâns, en der sitte dan ek in pear grutte bedriuwen.

 

Yn it earstoan lei hjir de delsetting ''Wigerathorp''. De grutgrûnbesitter Gercke Harkema út [[Twizel]] liet der yn [[1240]] troch muontsen út it kleaster [[Klaarkamp]] in [[kleaster]] stiftsje, ''Jeruzalem'' neamd, dat yn [[1249]] yn de [[Cisterciënzers|Sistersjenzer kleasteroarder]] opnomd waard. Der waard teffens in tsjerke stiften, wêrtroch't de delsetting ien fan de acht [[kerspel]]s (tsjerkedoarpen) waard. Yn de praktyk waard it kleaster ''Gerckes' kleaster'' neamd. Dy namme gie oer op de delsetting. De nôtmole fan dat kleaster hat der wierskynlik oant [[1580]] stien.