Each

It each is in sintûch dat brûk makket fan ljocht om in byld troch te jaan nei de harsens.

Anatomy

• It each bestiet út in hurde, stevige bûtenroane, dy't oane foarkant trochsichtich is (de cornea = hoarnflys) en foar de rest ûntrochsichtich (de sclera). It each befynt sich yn'e eachkâs en wurdt troch 6 eksterne spieren op syn plak halden en dizze spieren meitsje it ek mooglik dat it each draaie kin. Oan'e efterkant ferlit de eachsenuw (nervus opticus = twadde harsensenuw) it each. It each is fult mei 'glêsachtich lichem'. Tegeare mei it hoarnflys en de lens soargje sy foar de brekking fan it ljocht.
• Yn it each, efter it hoarnflys leit de lens. De lens is troch middel fan spierkes ferfoarmbaar. Dit makket it mooglik om sawol fan tichtby as fierâf skerp te sjen.
• Tusken hoarnflys en lens befynt sich de iris (reinbôgeflies). Dit flies hat yn't midden in iepening wertroch it ljocht falt. Troch spierkontraksjes kin dizze iepening grutter en lytser wurde, sadat der mear respektivelik minder ljocht yn't it each falt.
• De binnekant fan'e eachbâl is beklaaid mei in bloedfatryk flies (choroidea), mei deroerhinne it netflies (retina). De retina is in kompleks ûnderdiel, it bestiet út ferskillende lagen. De wichtigste elementen fan dit flies binne de fotoreseptoren en senuwen. Ljocht dat it each binnenfalt wurdt op dit netflies opfongen en omset yn elektrise signalen dy't fierder yn'e harsens ferwurke wurde.