Fokko Ukena: ferskil tusken ferzjes

'''Focko Ukena''' ([[Neermoer]] [[1370]]? - [[Dykhuzen]] [[1435]]) wie in [[East-Fryslân|Eastfryske]]ynfloedrike [[haadling]] yn it tiidrek fan de [[Fryske frijheid]]. Hy spile in wichtige rol yn de striid tusken de [[Skieringers]] en [[Fetkeapers]] yn de provinsjes [[Grinslân]] en [[Fryslân]]. Dêrneist wie hy ien fan de liedende figueren yn it ferset tsjin it festigjen fan lânhearlik gesach troch de geslachten [[Tom Brok]] en [[Cirksena]] yn [[East-Fryslân]].

Fokko Ukena stamme út in earm mar âld haadlingelaach út Neermoer of Edermoer yn Eastfryslân. De namme fan syn heit wie Uko en dêrom waard er Ukena neamd. Syn mem wie Amke fan Lengen fan it laach [[Ripperda]]. Troch syn houlik mei Theda fan Reide koe der syn machtbesit útwreidzje. Ut dat houlik waarden twa jongens berne Uko Fokkena en Udo Fokkena en twa dochters Amke en Bawe. Syn twadde houwlik wie mei Hidde fan Dykhuzen, dy't him de stins [[Dykhuzen]] by Appingadam, Weiwerd, Wirdum en Oterdum oanbrocht. Ut dat twadde houlik krige hy ien bern, in famke Ulske.