De ferkiezing fan Amsterdam as gaststêd fan de Olympyske Spullen fan 1928 krige by de boargers fan Nederlân in soad positive reaksjes. Dochs wie der ek krityk út de strengstrang leauwige hoek. Dy fûnen de Spullen in "heidensk barren".<ref>[http://www.vkgeschiedenis.nl/thema/sportcanon/olympische_spelen Heidens spektakel werd trendsettend feest], VKGeschiedenis.nl (sjoen op 4 novimber 2010)</ref> Foar it organisearjen fan de Spullen wie 2 miljoen gûne noadich. De gemeente Amsterdam stie garant foarbereidfoar goed fjouwer ton en de provinsje Noard-Hollân foar ien ton. Dêrnjonken waard rûze dat de Spullen in heal miljoen opsmite soe oan bydragen fan banken, sponsors en entreejilden. Dat der moast noch ien miljoen bykomme. Dat soe troch de steat bydroegen wurde, mar de [[konfesjonelen]] yn de [[Twadde Keamer]] wienen it dêr net mei iens. It foarstel dêr ta waard dan ek net oannommen. Om it jild dochs bymekoarbyelkoar te krijen waard in oprop oan it folk dien yn ferskate grutte kranten. Yn twa wike tiid waard sa 1,5 miljoen gûne ophelle.
