Zwillbrock: ferskil tusken ferzjes

| ôfbyldingstekst = Baroktsjerke Sint. Fransiskus yn Zwillbrock

Nei de Frede fan Munster mocht der yn de Nederlannen gjin sielesoarch oan de katoliken oanbean wurde. Sadwaande waarden der lâns de grins by de [[Achterhoeke]] en [[Twinte]] missystasjons stiften, om de [[katoliken]] yn de Nederlannen dochs sielesoarch biede te kinnen. Mei de Kryst fan 1651 waard der yn it Zwillbrocker Fean in mis opdroegen troch paters fan it Minoritenkleaster fan Bocholt. It ferhaal wol dat, om't it sok striemin waar wie, de froulju harren omslachdoeken oaninoar knope hawwe om de attributen foar de mis en de paters droech te hâlden. Doe moat der ferliking mei [[Bethlehem]] oppere wêze, de lettere namme fan it missystasjon en kleaster yn Zwillbrock. Al mei Peaske 1652 stie dêr in ienfâldige Kapel boud fan turfplaggen, dy't al itselde jier grutter makke waard. Mei stipe fan Bommen Berend en de Abtdis fan Vreden waard dêrnei in stiennen Kapel boud. De oanwaaks fan gelovigen wie sa grut dat der yn 1670 in kleaster mei in selstannich [[konvint]] ûntstie, "Closter Bethlehem an't Schwillbrock".