A Civil Campaign: ferskil tusken ferzjes

'''''A Civil Campaign''''' is in [[science fiction]]-[[roman]] fan 'e hân fan 'e súksesfolle en mannichfâld bekroande [[Feriene Steaten fan Amearika|Amerikaanske]] [[skriuwer|skriuwster]] [[Lois McMaster Bujold]]. It makket ûnderdiel út fan 'e ''[[Vorkosigan-kroniken]]|''Vorkosigan''-kroniken]], Bujold har populêrste en omfangrykste searje, mar is in ôfrûne ferhaal, dat ek los dêrfan lêzen wurde kin. ''A Civil Campaign'' waard foar it earst útjûn yn [[1999]] en is ûnderwilens oerset yn njoggen talen.

''A Civil Campaign'' is eins it twadde part fan in twalûk wêrfan't ''[[Komarr]]'' it earste diel is (hoewol't beide boeken sûnder in protte beswier los faninoar lêzen wurde kinne). Bujold woe it hiele ferhaal fan 'e earste serieuze românse fan har populêre personaazje Miles Vorkosigan, dy't yn it grutste part fan 'e ''Vorkosigan-kroniken''-kroniken de haadrol spilet, oarspronklik yn ien boek behannelje, mar seach dêr fanôf fanwegen de toansetting. ''Komarr'' is nammentlik in romantysk drama, wylst ''A Civil Campaign'' krekt in romantyske komeedzje is. Yn it neiwurd fan 'e [[omnibus]] ''Miles in Love'' hâldt Bujold út dat sels sy net skizofrenernôch is om sokke ferskillende subsjenres yn ien en deselde roman gear te tropjen.<ref> Bujold, Lois McMaster, ''Afterword'', yn 'e omnibus ''Miles in Love'', s. 859.</ref>

Yn ''[[Komarr]]'' wie Miles Vorkosigan, de lichaamlik beheinde mar oerenerzjike haadpersoan fan it grutste diel fan 'e ''Vorkosigan-kroniken''-kroniken, by in ûndersyk nei it romteûngemak dat er útfierde yn syn hoedanichheid fan ryksauditeur, yn 'e kunde kommen mei Ekaterin Vorsoisson, op wa't er smoarfereale waard. Yn ''A Civil Campaign'' set Miles dêrom, tsjin 'e eftergrûn fan 'e neieroan kommende brulloft fan 'e Barrayareeske keizer Gregor en dy syn Komarraanske ferloofde Laisa Toscane, útein mei in útprakkesearre kampanje om Ekaterin it hof te meitsjen, dy't er plent as wie it militêre fjildtocht. Om't se pas koartby widdo wurden is (sij it nei in ûngelokkich houlik), liket it him net foechsum ta en kom daliks al mei syn bedoelings foar 't ljocht. Mar oan 'e oare kant kin er ek net te lang wachtsje, want trochdat op Barrayar likernôch tritich jier lyn de technology foar it earst beskikber kaam om it geslacht fan in poppe yn 't foar te bepalen, en âldelju yn 'e [[militarisme|militaristyske]] Barrayareeske kultuer leaver soannen as dochters hiene, is de man-frouferhâlding yn Miles syn generaasje 5:3. Dat foar in kreaze jonge widdo as Ekaterin binne der grif oare kapers op 'e kust.

* wûn de Russyske ''Strannik''-priis fan 2000 (foar ''A Civil Campaign'' as fertsjintwurdiger fan 'e hiele ''Vorkosigan-kroniken''-kroniken) yn 'e kategory "de fiere gast";