[[Ofbyld:Fryske beweging banner.jpg|thumb|richt|300px| It logo fan de Ried fan de Fryske Beweging]]
De '''Ried fan de Fryske Beweging''' (RfdFBRotiW) is in belange-organisaasje foar minsken dy't wiis binne mei [[Fryslân]] en har ynsette wolle foar mear romte foar it [[Frysk]] en de Fryske [[kultuer]]. De Ried is in ûnôfhinklike frijwilligersorganisaasje.
De Ried fan de Fryske Beweging is in stifting, dêr't in tal organisaasjes en goed 500 stipers (donateurs) by oansletten binne.
== Skiednis ==
De stifting Ried fan de Fryske Beweging is oprjochte yn [[19451925]] mei as doel om as [[Fryske beweging|Fryske bewegers]] nei it regear en de legere oerheden ta mei ien mûle te sprekken. Nei de oarloch libbe der in gefoel dat de ûnderskate bewegingsselskippen ('It [[Selskip foar Fryske Taal en Skriftekennisse|Selskip foar Fryske Tael en Skriftekennisse]]', It [[Kristlik Frysk Selskip]], it [[Roomsk Frysk Boun]] en it [[Frysk Boun om Utens]]) har krêften bondelje moasten troch mei-inoar ûnder ien koepel gear te wurkjen en sa nei bûten ta mei ien mûle te sprekken. Ien fan de kearndoelen wie/is om de Fryske taal steviger wetlik te ferankerjen. It Nederlânske regear hie oant dy tiid foar it Frysk amper wat juridysk regele. De konstruksje fan in ried joech oan minsken de mooglikheid om har yndirekt, fia selskippen, of direkt te organisearjen. Njonken de oansletten selskippen koene minsken ek direkt stiper wurde fan de Ried. Ut de stipers koene bestjoersleden keazen wurde dy’t mei de fertsjintwurdigers fan de selskippen it riedsbestjoer foarmje. De lêste jierren is it tal oansletten selskippen útwreide sadat ûndersteande selskippen yn de Ried fertsjintwurdige binne.
