Nyomi Banxxx: ferskil tusken ferzjes
Nije side |
(Gjin ferskil)
|
De ferzje fan 10 mai 2013 om 13.40
Nyomi Banxxx, echte namme: Amanda Dee (14 oktober 1972), is in Amerikaansk pornografysk aktrise fan Afro-Amerikaansk komôf, dy't berne is yn Chicago, yn 'e steat Illinois. Hja hat yn it ferline ek wol oare artystenammen brûkt, lykas Nyomi, Naomi, Naomi Bankxx, Nyaomi Banxxx, Naomi Knoxxx, Naomi Banxx, Naomi Banxxx en Naomi Banks.
Libben
Nyomi Banxxx groeide yn Chicago op yn in konservatyf fermidden. Se hat in masterstitel yn maatskiplik wurk en hie nei it ôfrûnjen fan har oplieding jierrenlang in baan as maatskiplik wurkster. Hja ferfear yn 'e midden fan 'e jierren njoggentich nei Los Angeles, dêr't se yn 2001 behelle rekke yn 'e pornoyndustry. Nei fiif jier efter de skermen wurksum west te hawwen, makke se yn 2006 har debút as aktrise yn in pornografyske film. Sûnt hat se yn likernôch 160 pornofilms spile, gauris fan it subsjenre fan 'e milfpornografy, foar labels as Vivid, Hustler, Elegant Angel en Adam and Eve. Yn 2009 wûn se de Urban X Award foar bêste milf-artyste, en yn 2011 waard har deselde priis takend yn 'e kategoryen bêste aktrise fan it jier en bêste anale sekssêne fan it jier. Njonken har aktearwurk runt Banxxx eigenhandich har offisjele webside en in eigen poduksjemaatskippij, That's Common Productions. En fierdersoan sjongt en muziket se ek, en hat se in eigen muzyklabel.
Prizen en Nominaasjes
Jier | Priis | Resultaat | Kategory | Foar har optreden yn |
---|---|---|---|---|
2007 | AVN Award | nominearre | bêste orale sekssêne fan it jier | Manhunters |
2009 | Urban X Award | wûn | bêste milf-artyste fan it jier | n.f.t. |
2010 | AVN Award | nominearre | bêste oarspronklike liet (Goin' on In) | The Jeffersons: A XXX Parody |
2011 | XRCO Award | nominearre | ûnderwurdearre sirene | n.f.t. |
XBiz Award | nominearre | froulike aktearprestaasje fan it jier | Official Friday Parody | |
AVN Award | nominearre | bêste aktrise fan it jier | Fatally Obsessed | |
nominearre | ûnderwurdearre stjer fan it jier | n.f.t. | ||
nominearre | bêste orale sekssêne fan it jier | Throat Injection 3 | ||
Urban X Award | wûn | bêste aktrise fan it jier | n.f.t. | |
wûn | bêste anale sekssêne fan it jier | Dynamic Booty 5 | ||
2013 | XBiz Award | nominearre | bêste aktrise yn in parody | Training Day: A Pleasure Dynasty Parody |